Forsvarsmenn bandaríska flugvélaframleiðandans Boeing segja að allt verði gert til þess að tryggja flugöryggi 737 Max en ítreka að þoturnar séu í grundvallaratriðum öruggar.

Þetta kemur fram í yfirlýsingu sem gefin var út aðeins nokkrum klukkutímum eftir að yfirvöld í Eþíópíu greindu frá því að flugmenn 737 Max 8-þotu Ethiopian Airlines hafi gert allt sem í þeirra valdi stóð til þess að njá stjórn á þotunni. 

Í bráðabirgðaskýrslu flugslyssins kemur fram að verklagsferlum frá Boeing hafi verið fylgt en kerfið hafi ítrekað tekið yfir þegar flugmennirnir reyndu að handstýra flugvélinni. Allir um borð fórust, alls 157 manns. Í októ­ber fórst þota Lion Air, sem einnig var af 737 Max-gerð, og lét­ust all­ir um borð, alls 189 manns.

Forstjóri Boeing, Dennis Muilenburg, segir að forsvarsmenn fyrirtækisins beri fullt traust til öryggismála 737 Max og að þær breytingar sem verið væri að gera á öryggishugbúnaði þeirra myndi gera tegundina eina þá öruggustu í heiminum. 

Muilenburg staðfestir aftur á móti að villa hafi komið upp í MCAS-kerfinu í báðum flugslysunum en það teng­ist hæðar­stýri vél­ar­inn­ar. 

Á vefn­um Allt um flug seg­ir að MCAS-kerfið hafi verið þróað við hönn­un­ina á Boeing 737 MAX. „MCAS-kerf­inu var komið fyr­ir til að leiðrétta loft­flæðileg­ar breyt­ing­ar sem urðu á Boeing 737 MAX-þot­unni þar sem hreyfl­ar henn­ar eru bæði þyngri og staðsett­ir fram­ar á vængn­um sam­an­borið við Boeing 737NG sem hef­ur áhrif á massamiðju vél­ar­inn­ar og er ætlað að forða flug­vél­inni frá of­risi við aukið áfalls­horn en áfalls­horn eykst á öll­um flug­vél­um til að mynda í flug­taki.

MCAS-kerfið fer í gang þegar sjálfs­stýr­ing vél­ar­inn­ar er ekki virk og væng­börð eru uppi og reiðir MCAS-kerfið sig á upp­lýs­ing­ar sem koma frá áfalls­horns­skynj­ur­um. Ef skynj­ar­arn­ir greina að nef vél­ar­inn­ar sé farið að vísa óeðli­lega mikið upp á við þá senda þeir boð til MCAS-kerf­is­ins um að leiðrétta með því að ýta hæðar­stýr­inu niður sem dreg­ur úr halla vél­ar­inn­ar um þver­ás­inn,“ seg­ir í frétt á vefn­um Allt um flug.

Í Washington Post í gær kom fram að flugmálayfirvöld í Bandaríkjunum hafi fyrirskipað Boeing að laga galla í flugstjórnarbúnaði þotunnar en sá búnaður tengist ekki MCAS. Vegna þessa hafi tímaáætlun Boeing um hvenær vélarnar megi hefja sig á loft að nýju verið frestað. 

Samkvæmt tilkynningu Boeing er aðeins um smávægilegan galla að ræða og lausn hans sé þegar fundin. 

Frétt Washington Post

Tengdar fréttir

Farþegaþota Lion Air fórst

Hluthafar höfði mál gegn stjórn Boeing

• Ryanair gerði stórinnkaup á 737 MAX-vélum
• Maxinn fer í loftið í vor
• Lögðu líf almennings í hættu
• Fjölskyldurnar ósáttar með ákvörðun Boeing

» Fleiri tengdar fréttir

Boeing

Vélarhlíf datt af í miðju flugi

• Hafnaði 400 milljón króna bónus
• Forstjóri Boeing víkur úr starfi
• „Sat þarna og starði á gatið allan tímann“
• Skemmdir í hreyflum raktar til sands

» Fleiri tengdar fréttir

• Blogga um frétt