Sautján ára piltur frá Alsír, Feuzi Zabaat, var snöggur að bregðast við þegar hann bjargaði tveggja ára stúlku sem var í þann mund að falla niður á götuna af annarri hæð íbúðarhúss.
Doha Muhammed, sem er sýrlensk, féll út um glugga á meðan mamma hennar var að elda mat.
Sem betur fer sá Zabaat hana frá götunni og tókst að grípa hana og koma í veg fyrir að hún slasaðist. Fjölskylda stúlkunnar segir að hann sé sannkölluð hetja.
Atvikið átti sér stað í borginni Istanbúl í Tyrklandi.