Kröfðust þess að fá dvalarleyfi

Hundruð ólöglegra innflytjenda hópuðust inn í Pantheon-hofið í París, höfuðborg Frakklands, síðdegis í dag þar sem þeir kröfðust þess að fá dvalarleyfi í landinu.

Fram kemur í frétt AFP að samtök sem aðstoða ólöglega innflytjendur í París telji að um 700 ólöglegir innflytjendur og stuðningsmenn þeirra hafi mætt á staðinn.

Krafist er þess ennfremur í yfirlýsingu sem mótmælendur sendu frá sér að þeim yrði boðið til fundar við Edouard Philippe, forsætisráðherra Frakklands.

Ferðamönnum var gert að yfirgefa Pantheon-hofið, sem geymir jarðneskar leifar margra af helstu hugsuðum Frakklands, þegar mótmælin fóru fram.

Franska lögreglan var með mikinn viðbúnað við hofið á meðan á mótmælunum stóð.

AFP

• Blogga um frétt