Erki­bisk­up­inn af Can­ter­bury, Just­in Wel­by, biðlar til Boris Johnson, forsætisráðherra Bretlands, og annarra þingmanna landsins að forðast orðræðu sem gæti skapað æsing nú þegar Bretar búa sig undir mögulegar þingkosningar.

Johnson hefur sagt að hann vilji boða til þingkosninga 12. desember en enn er óljóst hvernig útgöngu Breta úr Evrópusambandinu verður háttað. 

Ráðgert hafði verið að Bretar gengju út úr ESB 31. október.

Boris Johnson, forsætisráðherra Bretlands, er beðinn um að vanda orðaval sitt. AFP

Welby sagði í samtali við Sunday Times að það væri sérstaklega hættulegt fyrir stjórnmálamenn að nota gífuryrði eins og „svikari“ eða „fasisti“ um andstæðinga sína.

Hann bætti því við að forsætisráðherrann þyrfti að sýna sérstaka ábyrgð í þessum efnum.

Johnson var gagnrýndur í síðasta mánuði þegar hann sagði að ótti þingkonu væri „þvættingur“. Hann sagði síðar að um misskilning hefði verið að ræða og baðst afsökunar á orðum sínum.

Frétt af mbl.is

Orð Boris um Cox vekja reiði þingmanna

Orð John­sons um Joe Cox, þing­konu Verka­manna­flokks­ins, sem var myrt viku fyr­ir þjóðar­at­kvæðagreiðsluna um út­göngu Breta vöktu þá mikla reiði hjá þing­mönn­um.

„Líflátshótanir eru alvarlegar og það verður að taka þeim þannig,“ sagði Welby. 

Biskupinn bætti því við að orðræðan í stjórnmálum væri harkaleg, þar sem fólk væri annað hvort samherjar eða svarnir óvinir.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt