Fernandez næsti forseti Argentínu

Vinstri maðurinn Alberto Fernandez verður næsti forseti Argentínu eftir að hann hlaut tæp 48% atkvæða í fyrstu umferð kosninganna þar í landi í gær. 45% þarf til að ná kjöri í fyrstu umferð.

Mauricio Macri, sem gegnt hefur embætti forseta undanfarin fjögur ár, játaði sig sigraðan og bauð Fernandez í forsetahöllina í dag í morgunmat til að ræða málin.

Kjörsókn var rúmlega 80% en Macri hlaut 40,7% atkvæða.

Mauricio Macri játaði sig sigraðan. AFP

„Spennan og væntingarnar eru vegna þess að við vitum að núna stjórnar maður sem hugsar um fólkið í landinu,“ sagði einn sigurreifur stuðningsmaður Fernandez í gærkvöldi.

Fernandez sagði að um frábæran dag væri að ræða fyrir Argentínu.

Frétt af mbl.is

Pesóinn féll í kjölfar kosninga

Gengi hluta­bréfa og arg­entínska pesós­ins hafa fallið í kjölfar úrslitanna. Svipað gerðist þegar Fernandez vann svokallaðar forkosningar í ágúst.

For­kosn­ing­ar fyr­ir for­seta­kosn­ing­ar í Arg­entínu hafa verið haldn­ar frá 2009 og þurfa fram­bjóðend­ur að hljóta yfir 1,5% kosn­ingu til að njóta kjörgeng­is í for­seta­kosn­ing­un­um.  

• Blogga um frétt