Huawei setur ekki upp 5G á Grænlandi
Setja bókamerki
Grænlenska símfyrirtækið Tele Greenland hefur staðfest að Ericsson verði fyrir valinu vegna uppsetningar 5G-kerfis í landinu, fremur en Huawei. Frá þessu er greint á vef Sermitsiaq.
Kínverski tæknirisinn Huawei hefur verið í deiglunni vegna meintra tengsla við kínversk stjórnvöld og hafa Bandaríkjamenn til að mynda varað við því að ríki leyfi aðkomu Huawei að uppsetningu 5G.
Þá vakti það mikla athygli hér- og erlendis í síðustu viku þegar upptökur af samtali viðskiptaráðherra Færeyja og ráðuneytisstjóra hans voru birtar, en þar kom fram að sendiherra Kína í Danmörku hefði hótað æðstu ráðamönnum Færeyja því að ekki yrði gerður fríverslunarsamningur á milli Kína og Færeyja ef Huawei fengi ekki samning við færeyska símafyrirtækið Føroya Tele um uppbyggingu 5G-fjarskipta í eyjaklasanum.
Samkvæmt forsvarsmanni Tele Greenland var ákvörðunin um að gera samning við Ericsson tekin fyrir tveimur árum.
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss
Gígbarmurinn hækkað frá því í gær
Skiptir miklu meira máli en fólk grunar
Sex hafa greinst með listeríu
„Umsátursástand“