Joe Biden verður ekki viðstaddur flokksþing demókrata og mun þar af leiðandi ekki taka við tilnefningu flokksins til að verða forsetaefni demókrata í persónu.  

Í tilkynningu frá demókrataflokknum segir að Biden muni ekki ferðast til Milwaukee fyrir flokksþingið heldur mun hann þess í stað ávarpa þjóðina og taka við tilnefningunni frá heimili sínu í Delaware. Þar af leiðandi verða engir ræðumenn viðstaddir þingið sem á að fara fram 17.-20. ágúst og verður að öllu leyti rafrænt. 

„Við tókum mark á vísindunum, við hlustuðum á lækna og sérfræðinga og við héldum áfram að gera breytingar á áformum okkar til að vernda líf annarra,“ segir Tom Perez, talsmaður demókrataflokksins. 

Búast má við því að Biden tilkynni um varaforsetaefni sitt á næstunni, en hann hefur heitið því að það verði kona. Susan Rice og Kamala Harris þykja líklegastar. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: DEMÓKRATARNIR HAFA KOMIST AÐ ÞVÍ AÐ ÞAÐ SÉ BEST AÐ …