Lágstemmd veisluhöld á 60 ára afmælinu
Setja bókamerki
Ekkert verður af fyrirhugaðri afmælisveislu Barack Obama fyrrverandi Bandaríkjaforseta. Forsetinn fyrrverandi hafði skipulagt risastóra veislu, sem fram átti að fara á eyjunni Martha's Vineyard, í tilefni af sextíu ára afmæli sínu.
Delta-afbrigði kórónuveirunnar hefur leitt til mikillar fjölgunar smita víða um Bandaríkin og hefur Obama þ.a.l. ákveðið að hafa veisluhöldin lágstemmd – einungis fjölskyldu og nánum vinum verður boðið.
Veislan átti að fara fram utandyra á laugardag en ýmsu hefur verið breytt, fyrst og fremst fjölda veislugesta, í samræmi við tilmæli yfirvalda.
BBC greinir frá því að hundruð hafi upphaflega fengið boð í veisluna. Á gestalistanum voru upphaflega einstaklingar á borð við leikarann George Clooney, Steven Spielberg og Oprah Winfrey.
Samkvæmt heimildum BBC eiga Obama-hjónin að hafa beðið veislugesti að fara í sýnatöku og bólusetningu fyrir veisluna.
Þá herma heimildir BBC einnig að Joe Biden Bandaríkjaforseti, sem var varaforseti Obama, hafi ákveðið að mæta ekki í veisluna, þrátt fyrir að teljast til náinna vina.
97 aðgerðir hafa neikvæð áhrif
Quang Le: „Rottuskíturinn kom mér á óvart“
Velferð ekki gefin
Ekki hópuppsögn að segja upp fastri yfirvinnu
Einróma stuðningur við virkjanir
Konur álitnar annars flokks borgarar
Fjármögnun alríkisins enn í óvissu
Quang Le: „Ég gerði ekkert rangt“