Greiða atkvæði um tilnefningu Andersson
Setja bókamerki
Sænska þingið mun á miðvikudag greiða atkvæði um tilnefningu Magdalenu Andersson, leiðtoga Jafnaðarmannaflokksins, sem fyrsta kvenkyns forsætisráðherra landsins. Þetta sagði forseti sænska þingsins í dag.
Enn eru líkur á að Andersson nái ekki meirihluta atkvæða þar sem hún á enn eftir að tryggja sér stuðning Vinstriflokksins þrátt fyrir harðar samningagviðræður undanfarna daga.
Hin 54 ára núverandi fjármálaráðherra þyrfti atkvæði þeirra til þess að geta orðið arftaki hins fráfarandi forsætisráðherra, Stefans Lofven. Andersson hefur þegar hlotið stuðning stjórnarsamstarfsflokksins Græningja, auk Miðflokksins.
Krefjast hærri lífeyris gegn stuðningi sínum
Vinstrimenn hafa krafist samkomulags um hærri lífeyri gegn stuðningi sínum.
„Við jafnaðarmenn og Græningjar erum að sjálfsögðu tilbúnir til að ræða frekari úrbætur fyrir þá sem eru með veikustu lífeyrisgreiðslurnar,“ sagði Andersson á sameiginlegum blaðamannafundi með Andrea Norlen, ræðumanni.
„Spurningin er hversu langt er hægt að fara,“ bætti hún við.
/frimg/1/48/74/1487454.jpg)
Heldur inn í nóttina tuttugu kílóum léttari
„Höfum ekki náð að skríða upp úr þeirri gryfju“
Hvorki sést áður hér á landi né annars staðar
Krefjast stöðvunar framkvæmda
Vonast til að tjaldbúðir við HÍ standi áfram