Bandarísk yfirvöld hafa varað við mögulegum frekari skotárásunum eftir að 18 ára karlmaður myrti 19 skólabörn og tvo kennara í Texas-ríki fyrir tveimur vikum síðan.

Í uppfærðri ráðgjöf bendir heimavarnarráðuneytið á hættuna á ofbeldi tengdum atburðum sem eru framundan, líkt og niðurstöðu Hæstaréttar varðandi fóstureyðingar og þingkosningar í nóvember.

„Á næstu mánuðum gerum við ráð fyrir mikilli spennu í samfélaginu þar sem mörg stór málefni gætu verið notuð til að réttlæta ofbeldi gegn ýmsum skotmörkum,“ kom meðal annars fram í yfirlýsingu Heimavarnarráðuneytisins.

Hafa hvatt til frekari árása

Nýlegar árásir árásarmanna sem stæðu einir að baki ódæðunum sýndu áskorunina við að vernda viðkvæm skotmörk.

„Einstaklingar á spjallborðum á netinu sem birta efni tengt heimilisofbeldi og samsæriskenningum hafa lofað skotárásina í grunnskólanum í Uvalde í Texas og hvatt til frekari árása,“ sagði í yfirlýsingunni.

Frétt af mbl.is

Fórnarlamba öfgamannsins minnst

Ráðuneytið minntist einnig á árás í Buffalo í New York-ríki þar sem 18 ára hvítur hægri-öfgasinni skaut tíu manns til bana í hverfi þar sem svart­ir íbú­ar eru í meiri­hluta.

Tengdar fréttir

Skotárás í Uvalde í Texas

Skotárásin í Uvalde: Lögregla brást

• O'Rourke mistókst að verða ríkisstjóri
• Sagt upp vegna viðbragða við skotárás
• Krefjast þess að lögreglumenn fari í leyfi
• Tæplega 400 lögreglumenn komu á vettvang

» Fleiri tengdar fréttir

• Blogga um frétt