Annað dauðsfallið af völdum apabólu á Spáni

Al­var­leg veik­indi eru sjald­gæf (í inn­an við tí­unda hverju til­viki) …
Al­var­leg veik­indi eru sjald­gæf (í inn­an við tí­unda hverju til­viki) og oft­ast geng­ur sjúk­dóm­ur­inn yfir af sjálfu sér án meðferðar. AFP

Yfirvöld á Spáni greindu frá öðru dauðsfallinu af völdum apabólu í dag. Alls hafa því þrír látist vegna veirunnar utan Afríku. 

Í gær greindu yfirvöld á Spáni ásamt yfirvöldum í Brasilíu að einstaklingar í ríkjunum hefðu látist vegna apabólu sem er landlæg í Mið- og Vest­ur Afr­íku.

Á Spáni er um að ræða tvo unga karlmenn.

Ekki er þó fullkomlega vitað að apabólan hafi ollið dauða einstaklinganna en yfirvöld á Spáni segja að krufning muni leiða það í ljós. Yfirvöld í Brasilíu sögðu að einstaklingurinn þar hafi haft alvarlega undirliggjandi sjúkdóma. 

Meira en 18 þúsund tilfelli hafa greinst utan Afríku síðan byrjun maí samkvæmt gögnum Alþjóðaheilbrigðismálastofnunarinnar (WHO).

Flest tilfelli hafa greinst á Spáni eða um 4.300, um 120 hafa þurft að leggjast inn á sjúkrahús. 

mbl.is