Pedro Sanchez, forsætisráðherra Spánar, fékk senda sprengju í bréfi í síðustu viku. Bréfasprengjan svipar til annarrar sem sprakk í sendiráði Úkraínu í Madríd, höfuðborg Spánar, í gær.
Spænska innanríkisráðuneytið greinir frá þessu.
Í bréfinu, sem var stílað sérstaklega á ráðherrann, var að finna efni sprengiútbúnað, en það barst til ráðuneytisins 24. nóvember.
Spænska leyniþjónustan náði þó að koma í veg fyrir að Sanchez fengi bréfið afhent og aftengdi sprengjuna að sögn innanríkisráðuneytisins.