Segir bandalag Kína og Rússlands hættulegt
Setja bókamerki
Mateuz Morawiecki, forsætisráðherra Póllands, segir bandalag Kínverja og Rússa vera hættulegt og vísar þar í þriggja daga heimsókn Xi Jinping, forseta Kína, til Rússlands.
„Heimsókn kínverska forsetans til Moskvu [höfuðborgar Rússlands] veldur okkur áhyggjum. Þetta bandalag Kína og Moskvu er hættulegt,“ sagði Morawiecki eftir að hafa tekið á móti Fumio Kishida, forsætisráðherra Japans, í Varsjá, höfuðborg Póllands.
Xi yfirgaf Rússland í morgun eftir að hafa fundað með Vladimír Pútín Rússlandsforseta, sem sagði „nýtt tímabil“ vera hafið í samskiptum landanna og vildi láta líta út fyrir samstöðu þeirra gegn Vesturlöndum.
Pútín og Xi ræddu stríðið í Úkraínu. Svo virðist þó sem viðræðum þeirra hafi lokið án afgerandi ákvörðunar um leiðir til að binda enda á bardagana.
Pútín fagnaði skýrslu kínverskra stjórnvalda um stríðið, þar sem meðal annars er óskað eftir samtali og að allar þjóðir virði landsvæði fullvalda ríkja.
Pólverjar, sem eru á meðal nánustu samherja Úkraínumanna, hafa miklar áhyggjur af auknu samstarfi Kína og Rússlands.
„Við erum að reyna að sannfæra Kína um að styðja ekki Rússa þegar kemur að grimmri, alþjóðlegri stefnu þeirra,“ sagði Morawiecki.
„Höfum ekki náð að skríða upp úr þeirri gryfju“
„Umsátursástand“
Krefjast stöðvunar framkvæmda
Hvorki sést áður hér á landi né annars staðar
Handteknir eftir myndatöku í Vesturbæjarlaug
Væri að ljúga ef ég segðist ekki stressaður
Tveir í bílnum sem lenti utan vegar
Kaldasti veturinn kom að óvörum