Fréttaskýring: Bankastjórinn beið átekta á hóteli

Jens Stoltenberg, forsætisráðherra Noregs, ræddi í morgun við nýja seðlabankastjórann ...
Jens Stoltenberg, forsætisráðherra Noregs, ræddi í morgun við nýja seðlabankastjórann en Stoltenberg er staddur hér á landi. mbl.is/Kristinn

Svein Harald Øygard, sem í morgun var settur seðlabankastjóri til bráðabirgða, hefur beðið á hóteli í Reykjavík frá því á mánudag eftir að Alþingi afgreiddi ný lög um Seðlabankann. Ríkisstjórnin leitaði víða að bráðabirgðabankastjóra. Eftir ábendingu norskra ráðherra, var ákveðið að ræða við Øygard. Þrír fyrrverandi bankastjórar eiga rétt á biðlaunum í 6 og 12 mánuði en Ingimundur Friðriksson hefur þegar afþakkað biðlaun.

Frumvarp til laga um Seðlabanka Íslands, skipulag yfirstjórnar og peningastefnunefnd, var samþykkt á Alþingi í gærkvöld með 33 atkvæðum gegn 18. Samkvæmt lögunum er bankastjórn Seðlabanka Íslands lögð niður og þar með embætti þriggja bankastjóra sem sæti eiga í stjórninni, þ.m.t. embætti formanns bankastjórnar.

Forsætisráðherra skal svo fljótt sem við verður komið auglýsa nýtt embætti seðlabankastjóra laust til umsóknar samkvæmt ákvæðum laganna.

Frumvarpið var lagt fram á Alþingi 4. febrúar og kom það til fyrstu umræðu tveimur dögum síðar. Ríkisstjórnin ætlaðist til að málið fengi hraða afgreiðslu í þinginu. Í því ljósi var þegar farið að leita að einstaklingi sem gegnt gæti embætti seðlabankastjóra til bráðabirgða, eða þar til staðan hefði verið auglýst og ráðið í hana samkvæmt nýju lögunum.

Norskir ráðherrar mæltu með á Øygard

Ríkisstjórnin leitaði víða fyrir sér, meðal annars á Norðurlöndunum. Þegar Kristin Halvorsen, fjármálaráðherra Noregs heimsótti Ísland í byrjun febrúar, innti Steingrímur J. Sigfússon, fjármálaráðherra hana eftir því hvort hún gæti bent á seðlabankastjóraefni. Halvorsen benti á Øygard. Á vef BT segir að Jens Stoltenberg, forsætisráðherra Noregs, hafi gefið Øygard sín bestu meðmæli.

Kristin Halvorsen sendi í morgun Svein Harald Øygard hamingjuóskir. Segir Halvorsen í yfirlýsingu, að Øygard búi yfir mikilli reynslu og þekkingu og sé réttur maður á réttum stað í þessu krefjandi starfi.

Nýi seðlabankastjórinn kom raunar til landsins á mánudag og hefur því beðið átekta á hóteli í Reykjavík í tæpa viku meðan Alþingi ræddi seðlabankafrumvarpið.

Biðlaunaréttur í 6 og 12 mánuði

Ingimundur Friðriksson seðlabankastjóri baðst lausnar úr embætti seðlabankastjóra að kvöldi 7. febrúar. Jafnframt afþakkaði Ingimundur boð um að ganga til viðræðna við stjórnvöld um starfslokagreiðslur.

Eiríkur Guðnason og Davíð Oddsson, formaður bankastjórnar, urðu hins vegar ekki við beiðni forsætisráðherra um að víkja úr embætti. Þegar Alþingi hafði samþykkt ný lög um Seðlabankann í gærkvöld og forseti staðfest lögin, var bankastjórunum tveimur sent bréf með formlegri tilkynningu um að stöður þeirra hefðu verið lagðar niður.

Þar sem stöður seðlabankastjóra eru lagðar niður vegna skipulagsbreytinga, gilda ákvæði um biðlaunaréttindi í lögum um réttindi og skyldur starfsmanna ríkisins.

Samkvæmt því á Eiríkur Guðnason, rétt til 12 mánaða biðlauna, sem myndast eftir 15 ára störf í þjónustu ríkisins sem embættismenn. Eins og áður segir afþakkaði Ingimundur Friðriksson starfslokagreiðslur. Davíð Oddsson á biðlaunarétt til 6 mánaða þar sem starfstími alþingismanna og ráðherra telst ekki með þjónustualdri hjá ríkinu vegna biðlaunaréttar vegna þess að þeir teljast ekki vera embættismenn heldur falla undir lög um þingfararkaup.

Tímabundinn launakostnaður Seðlabankans vegna þess er áætlaður um 44 milljónir króna eftir því sem segir í greinargerð með seðlabankafrumvarpinu og var þá við það miðað að allir þrír tækju biðlaun. Ingimundur var hættur í Seðlabankanum áður en frumvarpið var samþykkt og þiggur ekki biðlaun. Ekki liggur fyrir hvort Eiríkur eða Davíð þiggja biðlaun.

Til lengri tíma litið má reikna með að fækkun bankastjóra um tvo lækki launakostnað Seðlabankans um 32 milljónir á ári miðað við að laun nýs seðlabankastjóra verði svipuð og laun formanns núverandi bankastjórnar.

Svein Harald Øygard og Kristin Halvorsen, fjármálaráðherra Noregs.
Svein Harald Øygard og Kristin Halvorsen, fjármálaráðherra Noregs.
mbl.is

Bloggað um fréttina

Innlent »

Spá staðbundnu óveðri

Í gær, 22:36 Spáð er staðbundnu óveðri eftir hádegi á morgun syðst á landinu og með ströndinni að Öræfajökli. Þarna er útlit fyrir austanstorm eða -rok og ofankomu með köflum. Mun skárra veður verður annars staðar á landinu. Meira »

Eins og rússnesk rúlletta

Í gær, 22:00 „Það er þyngra en tárum taki að baráttunni um betri vegasamgöngur frá Reykjanesbæ um Reykjanesbraut sé enn ekki lokið,“ segir Þórólfur Júlían Dagsson, stjórnarmaður Pírata á Suðurnesjum. Meira »

Ásgerður skipar fyrsta sætið

Í gær, 21:38 Alls greiddu 711 atkvæði í prófkjöri Sjálfstæðisflokksins á Seltjarnarnesi fyrir sveitarstjórnarkosningarnar í vor. Ásgerður Halldórsdóttir bæjarstjóri fékk flest atkvæði eða 534 atkvæði alls, en 463 í fyrsta sætið. Meira »

Fjórir létust úr listeríusýkingu

Í gær, 21:13 Óvenjumargir eða sjö einstaklingar greindust með listeríusýkingu á síðasta ári. Fjórir af þessum sjúklingum létust, þrír af þeim voru eldri einstaklingar með undirliggjandi sjúkdóma en einn var nýfætt barn. Sýkingarnar voru taldar innlendar í sex af þessum tilfellum. Meira »

Blær les Ísfólkið sem verða nú hljóðbækur

Í gær, 19:46 Leikkonan Þuríður Blær Jóhannsdóttir byrjaði í vikunni að lesa upp bækurnar um Ísfólkið en þær verða nú að hljóðbókum. „Ég er svo spennt. Þetta eru 47 bækur, þetta er rosa mikið og mikilvægt hlutverk." Meira »

Mikið framboð af lækna­dópi „sláandi“

Í gær, 19:45 „Mér fannst slá­andi hversu mikið fram­boð er af fíkni­efn­um, sérstaklega af am­feta­míni, kókaíni og lækna­dópi og hversu auðvelt það er að kom­ast í þessa hópa ef maður hef­ur áhuga á því,“ seg­ir Inga Rut Helgadóttir sem skoðaði sölu fíkni­efna á sam­fé­lags­miðlum. Meira »

Tvöfaldur pottur næst

Í gær, 19:27 Fyrsti vinningur gekk ekki út að þessu sinni og verður lottópotturinn tvöfaldur í næstu viku. Einn miðaeigandi var með bónusvinninginn og hlýtur hann 656.100 kr., en miðinn var keyptur í N1, Hafnargötu 86 í Reykjanesbæ. Meira »

Landspítalann aldrei jafnöflugur og nú

Í gær, 19:38 Forstjóri Landspítalans, Páll Matthíasson, segir að spítalinn hafi aldrei verið öflugri en nú og rangt sé að hann ætli að draga úr starfsemi líkt og fram hafi komið í fréttum. Meira »

Beinbrunasótt greind á Íslandi

Í gær, 18:54 Ungur maður kom í nóvember heim til Íslands eftir að hafa dvalist á Filippseyjum. Hann veiktist á heimleiðinni með hita, skjálfta, niðurgangi og almennum slappleika. Staðfest var með blóðprófi að um beinbrunasótt (Dengue) var að ræða en aðeins einu sinni áður hefur hún greinst hér á landi. Meira »

27 greindust með HIV í fyrra

Í gær, 18:44 Samtals greindust 27 einstaklingar með HIV-sýkingu á árinu 2017. Meðalaldur hinna sýktu er 35 ár (aldursbil 16‒59 ára). Af þeim sem greindust á árinu voru þrjár konur og 18 voru af erlendu bergi brotnir (67%). Meira »

Konu bjargað upp úr gjá

Í gær, 18:06 Slökkvilið höfuðborgarsvæðisins og björgunarsveitarfólk komu göngukonu til bjargar í Heiðmörk á sjötta tímanum en konan hafði fallið niður í gjá á gönguleið. Meira »

Peningar eru ekki vandamálið

Í gær, 17:44 „Það er mjög óheppilegt að þetta skuli koma upp og hefði verið gott ef menn hefðu hugsað þetta áður en lagt var af stað,“ segir Sigurður Ingi Jóhannsson samgönguráðherra um stöðuna í millilandaflugi á Akureyri. Meira »

Ábyrgð samfélagsmiðla nú til umræðu

Í gær, 17:39 Lærdómurinn fyrir íslenska unglinga, sem eru endalaust að senda nektarmyndir af sér í gegnum Snapchat, er sá að þegar fólk áframsendir nektarmyndir af fólki sem er börn í lagalegum skilningi, þá er það að deila barnaklámi,“ segir María Rún Bjarnadóttir, doktorsnemi í lögfræði. Meira »

Óvissustig í Ólafsfjarðarmúla

Í gær, 16:20 Siglufjarðarvegur er enn lokaður vegna snjóflóðahættu og óvissustig gildir í Ólafsfjarðarmúla vegna snjóflóðahættu, samkvæmt upplýsingum frá Vegagerðinni. Veðurspáin hefur hins vegar skánað fyrir morgundaginn. Meira »

Látinn laus í Malaga

Í gær, 14:50 Íslenskum karlmanni á fertugsaldri, sem Fréttablaðið greindi frá því í gær að hefði verið úrskurðaður í gæsluvarðhald í Malaga á Spáni, grunaður um alvarlegt ofbeldisbrot gegn þrítugri eiginkonu sinni, hefur verið sleppt úr haldi. Meira »

Sýning fellur niður

Í gær, 17:33 Leiksýningin Himnaríki og helvíti fellur niður á morgun, sunnudaginn 21. janúar, vegna veikinda.  Meira »

Gera kröfu í dánarbú meints geranda

Í gær, 15:32 Óskað verður eftir opinberri rannsókn á meintum fjárdrætti fyrrverandi starfsmanns Malbikunarstöðvarinnar Höfða hf. á árunum 2010-2015. Lögmanni Höfða hefur verið falið að gera kröfu í dánarbú meints geranda. Meira »

Allt uppselt á innan við klukkustund

Í gær, 14:26 Bræðurnir Daníel Ólafur og Róbert Frímann voru fyrir jól í gönguferð um Gróttu ásamt föður sínum þegar Róbert stakk upp á því að hefja sölu á kakói í Gróttu. Svo bættust kleinur við og í dag mættu þeir í annað skiptið að selja til gesta og gangandi. Þeir hafa vart undan og uppselt var strax. Meira »

Börnin sem kerfið gleymdi

Borðstofuborð ásamt sex stólum frá Öndvegi / Heimahúsinu til sölu
Tilboð óskast í borðstofuborð með sex stólum frá Öndvegi / Heimahúsinu. Borðið e...
STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
Ukulele
...
 
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
Fundur
Fundir - mannfagnaðir
Fulltrúaráð sjálfstæðisfélaganna...
Eldri borgarar
Staður og stund
Aflagrandi 40 Opin vinnustofa kl. 9 og b...
Framboðslisti
Fundir - mannfagnaðir
Framboðslisti Sjál...