Íslendingur grunaður um morð í Noregi
Setja bókamerki
Íslendingur er í haldi lögreglu í Valle í Noregi grunaður um að hafa myrt fimmtugan karlmann aðfaranótt sunnudags.
Samkvæmt upplýsingum norskra fjölmiðla fer sögum ekki saman um hvað gerðist en samkvæmt frétt á vef VG kom hinn myrti, Helge Dahle, tveggja barna faðir, í partý sem haldið var í Valle um nóttina. Var hann í fylgd tveggja manna og yfirgáfu þeir veisluna einhverju síðar. Stuttu síðar var hann stunginn þrisvar eða fjórum sinnum, í bakið og brjóstið. Afar óljósar fregnir eru um hvað olli því að Íslendingurinn, sem er 38 ára gamall, tók hnífinn upp og stakk fórnarlambið.
VG hefur eftir Dag Hovden lögreglumanni í Valle og Bykle að fátt sé vitað um hvað hafi gerst en það voru gestir í partýinu sem héldu morðingjanum þar til lögregla kom á staðinn.
Ekki kemur fram á vef Aftenposten, VG né Fædrelandsvennen að um Íslending sé að ræða en fréttastofa RÚV fékk það staðfest hjá norsku lögreglunni í morgun. DV greindi frá þjóðerni hans í gærkvöldi.
Telur forsendur fyrir vaxtalækkun
Shakespeare fannst í skókassa
/frimg/1/48/74/1487454.jpg)
Heldur inn í nóttina tuttugu kílóum léttari
Banna mengandi búnað sem leyfður er á Íslandi
Tveir í bílnum sem lenti utan vegar
„Það þarf að vinna mikinn fjölda upp“
Skiptir miklu meira máli en fólk grunar