Þrátt fyrir að meira en fjórar vikur séu liðnar frá því að meiðyrðamál Gunnars Þorsteinssonar, sem jafnan er kenndur við Krossinn, var dómtekið af Héraðsdómi Reykjavíkur bólar ekkert á dómi í málinu. Samkvæmt heimildum mbl.is óskaði dómari málsins eftir fresti og urðu málsaðilar við óskinni.

Málið höfðaði Gunn­ar á hend­ur tveim­ur kon­um, fyrr­ver­andi rit­stjóra Press­unn­ar og út­gáfu­fé­lagi Press­unn­ar vegna frétta­flutn­ings af nokkrum kon­um sem sökuðu Gunn­ar um kyn­ferðis­brot. Gunnar krefst 15 millj­óna króna í skaðabæt­ur, fimm millj­óna frá hverj­um aðila fyr­ir sig, og af­sök­un­ar­beiðni.

Einar Hugi Bjarna­son, lögmaður Gunn­ars, sagði við aðalmeðferð málsins að umfjöllun Pressunnar hefði lagt líf Gunnars í rúst. „Þetta hef­ur haft í för með sér óbæt­an­leg­an skaða fyr­ir stefn­anda enda nafn hans um ald­ur og ævi tengt kyn­ferðis­brot­um. Brot­um sem hann hef­ur ávallt neitað fyr­ir og aldrei dæmd­ur fyr­ir.“

Meðal um­mæla sem kraf­ist er ómerk­ing­ar á eru:

• Kross­málið: sí­end­ur­tekn­ar - Kross­málið: Sí­end­ur­tek­in sím­töl, óvænt­ar heim­sókn­ir, vald­beit­ing og þögg­un - Urðum að segja frá
• Yf­ir­lýs­ing­ar systra fyrr­ver­andi eig­in­konu Gunn­ars í Kross­in­um: Kyn­ferðis­leg áreitni frá unga aldri
• Talskona kvenna veit um 16 fórn­ar­lömb: Vís­bend­ing­um rign­ir inn - Spann­ar 25 ára tíma­bil
• kvört­un vegna kyn­ferðis­legs of­beld­is af hendi for­stöðumanns Kross­ins, Gunn­ars Þor­steins­son­ar, gagn­vart 5 kon­um
• Gunn­ar Þor­steins­son í Kross­in­um verst ásök­un­um nokk­urra kvenna um brot gegn sér

Eins og áður segir fór aðalmeðferð í málinu fram í síðasta mánuði og var það dómtekið 21. maí. Í lögum um meðferð einkamála segir að dómur skuli kveðinn upp svo fljótt sem unnt er og hafi dómur ekki verið kveðinn upp í máli sem munnlega var flutt innan fjögurra vikna frá því það var dómtekið skuli það flutt á ný nema dómari og aðilar telji það óþarft.

Samkvæmt heimildum mbl.is óskaði dómari málsins eftir allt að átta vikna fresti og samþykktu allir málsaðilar þá ósk og lýstu yfir að ekki væri ástæða til að flytja málið á ný. 

Hér má lesa fleiri fréttir af meiðyrðamáli Gunnars Þorsteinssonar.

Tengdar fréttir

Meiðyrðamál Gunnars Þorsteinssonar

Mál á hendur Gunnari fellt niður

• Lýsa sigri gagnvart Gunnari
• Fréttaflutningurinn „byggðist á viðurkenndum gildum“
• Ummæli ómerkt sem ósannaðar aðdróttanir
• „Hefði ekki viljað breyta neinu“

» Fleiri tengdar fréttir

• Blogga um frétt