Játning liggur fyrir á stunguárásarmálinu við Sæmundargötu aðfaranótt sunnudags. Maðurinn sem grunaður var um að hafa stungið annan mann í bakið aðfaranótt sunnudags hefur játað verknaðinn. Þetta segir Árni Þór Sigmundsson, aðstoðarlögregluþjónn, í samtali við mbl.is.

Lögregla hefur lokið að yfirheyra vitni að árásinni en ekki hefur verið tekin ákvörðun um hvort farið verði fram á áframhaldandi gæsluvarðhaldi yfir árásarmanninum að sögn Árna. Gæsluvarðhald yfir honum rennur út kl. 16 á morgun.

Samkvæmt upplýsingum frá Landspítalanum er líðan fórnarlambs árásarinnar enn óbreytt, liggur hann þungt haldinn og í öndunarvél.

Tengdar fréttir

Hnífaárás við Sæmundargötu

Dæmdur í fimm ára fangelsi

• Ásetningurinn ekki að bana vini sínum
• Fer fram á fimm ára fangelsi
• Mínútuspursmál – var við það að deyja
• Ákærður fyrir manndrápstilraun

» Fleiri tengdar fréttir

• Blogga um frétt