„Uppi er algjör óvissa um hvernig hægt sé að klára þetta heildarverkefni sem búið er að stofna til. Þetta er fullkomlega óeðlileg staða enda miklar innviðaframkvæmdir langt komnar og á sama tíma er ekki hægt að tengjast við rafmagn.“

Þetta segir Kristján Þór Magnússon, sveitarstjóri Norðurþings, í samtali við Morgunblaðið og vísar í máli sínu til þess að úrskurðarnefnd umhverfis- og auðlindamála hefur nú fellt úr gildi ákvörðun Skútustaðahrepps frá því í apríl sl., þess efnis að samþykkja framkvæmdaleyfi handa Landsneti hf. fyrir Kröflulínu 4.

Á Alþingi hefur verið unnið að samkomulagi um þinglok og hvaða mál verði afgreidd innan tímarammans. Spurður hvort boðlegt sé að bíða með afgreiðslu þessa máls og taka það fyrir á næsta þingi svarar Kristján Þór: „Í mínum huga gengur það illa upp.“

Tengdar fréttir

Kísilver PCC á Bakka

Allt „samkvæmt áætlun“ hjá PCC á Bakka

• Fyrsti hráefnisfarmurinn til kísilversins
• Vel gengur að endurráða starfsfólk
• Niðurfærsla upp á 11,6 milljarða
• Vilja innflutningstolla á kísilmálm frá Íslandi

» Fleiri tengdar fréttir