Fundur í kjaradeilu Flugfreyjufélags Íslands og SA v/Icelandair sem hófst hjá ríkissáttasemjara klukkan eitt í dag stendur enn yfir. Flugfreyjurnar starfa hjá Flugfélagi Íslands í innanlandsflugi.
Ekki liggur fyrir hvenær fundinum lýkur en engin ákvörðun hefur verið tekin um formlegt hlé, samkvæmt upplýsingum frá ríkissáttasemjara. Ýmist hefur verið fundað saman eða í sitt hvoru lagi í húsnæði ríkissáttasemjara.
Farþegar í áætluðu innanlandsflugi Flugfélags Íslands næstu þrjá daga hafa verið látnir vita af þeim möguleika, að verkfall geti skollið á í fyrramálið. Þetta sagði Árni Gunnarsson, framkvæmdastjóri félagsins, í samtali við mbl.is fyrr í dag.
Frétt mbl.is: Láta farþega vita af mögulegu verkfalli