Án innflytjenda væri velmegun minni

Þorsteinn Víglundsson, félags- og jafnréttismálaráðherra, bendir á það á Facebook-síðu sinni að ef ekki væri fyrir innflytjendur og flóttamenn hefði hagvöxtur líkast til orðið talsvert minni en raun ber vitni á undanförnum árum. Það þýddi minni velmegun og veikara velferðarkerfi. 

„Í hvert sinn sem málefni flóttamanna ber á góma rísa hér upp raddir sem gagnrýna að við séum að liðsinna fólki í neyð. Gjarnan er þeim rökum beitt að valið standi milli þess að liðsinna flóttamönnum eða lyfta undir með fátækum Íslendingum með auknum framlögum til örorku- eða ellilífeyris. Eins og ekki sé hægt að gera bæði. Rökunum fylgja síðan gjarnan yfirlýsingar um að við verðum að hafa hugrekki til að taka þessa umræðu. Ýmsir málsmetandi stjórnmálamenn hafa beitt þessum rökum fyrir sig og nýr stjórnmálaflokkur er að sækja í sig veðrið undir merkjum þessarar hugmyndafræði.

Þorsteinn Víglundsson, félags- og jafnréttismálaráðherra.
Þorsteinn Víglundsson, félags- og jafnréttismálaráðherra. mbl.is/Eggert

Það er reyndar áhugavert í þessu samhengi að kostnaði við móttöku flóttamanna er aldrei stillt upp sem andstæðu við einhver önnur útgjöld ríkisins á borð við niðurgreiðslu á rekstri Hörpunnar, niðurgreiðslu á húshitunarkostnaði á landsbyggðinni eða framlaga til uppbyggingar ferðamannastaða svo dæmi séu tekin af handahófi. Ekki það að þessir kostnaðarliðir séu eitthvað sem þyrfti að fórna vegna móttöku flóttamanna fremur en greiðslur til lífeyrisþega.

Staðreyndin er nefnilega sú að ef ekki væri fyrir innflytjendur og flóttamenn hefði hagvöxtur líkast til orðið talsvert minni en raun ber vitni á undanförnum árum. Ekki hefði verið hægt að manna mikilvæg störf án aðkomu innflytjenda. Þeir eiga því mikinn og vaxandi þátt í að standa undir velferðarkerfinu okkar. Erlendir ríkisborgarar eru nú um 10% mannfjöldans hér á landi og hefur farið fjölgandi jafnt og þétt frá því EES samningurinn tók gildi í ársbyrjun 1994 og íbúum á evrópska efnahagssvæðinu varð frjálst að flytja hingað til lands.

AFP

Raunar er það svo að fyrir tilkomu EES samningsins fluttust fleiri frá landinu en til þess að jafnaði. Frá 1961 til 1993 fluttust tæplega 7000 fleiri frá landinu en til þess. Frá 1994 hafa hins vegar liðlega 17 þúsund fleiri flutt til landsins en frá því. Frá 1961 til 2016 fluttust 25 þúsund fleiri íslenskir ríkisborgarar frá landinu en til þess. Á sama tíma fluttust um 36 þúsund fleiri erlendir ríkisborgarar til landsins en frá því. Það munar um minna.

Hvernig hefði okkur gengið að sinna mikilvægum þjónustustörfum hér á landi án aðstoðar innflytjenda? Heilbrigðisþjónusta, öldrunarþjónusta, bygging íbúðarhúsnæðis og fjöldinn allur annar af mikilvægri þjónustu við íbúa landsins reiðir sig í vaxandi mæli á innflytjendur sem þar starfa. Atvinnuþátttaka innflytjenda hér á landi er mjög há og það sama á við um flóttamenn.

Reynsla okkar af móttöku flóttamanna í gegnum árin og áratugina er að sama skapi mjög góð. Við tókum á móti fólki í neyð frá Ungverjalandi eftir misheppnaða uppreisn gegn stjórn kommúnista 1956. Við tókum á móti fólki í neyð frá Víetnam 1979 og við höfum haldið áfram að taka á móti fólki í neyð allar götur síðan, nú á síðustu árum einna helst frá Sýrlandi. Engum dylst þær skelfilegu aðstæður sem fólk er að flýja þar og raunar er fjöldi flóttamanna í heiminum í dag fordæmalaus, m.a. vegna stríðsins í Sýrlandi. Þar eigum við að sjálfsögðu að reiða fram hjálparhönd.

AFP

Þessa vegna skulum við taka þessa umræðu. Staðreyndin er nefnilega sú að hagvöxtur hefði verið hér minni, velmegun minni og velferðarkerfið veikara ef ekki hefði notið við aðstoðar innflytjenda; flóttamanna sem og annarra. Þeir sem stilla móttöku flóttamanna og framlögum til velferðarkerfisins upp sem andstæðum eru eingöngu að breiða yfir raunverulega rót afstöðu sinnar til málaflokksins sem eru ekkert annað en fordómar. Markmið með þessari framsetningu er einfaldlega að ala á andúð í garð þess fólks sem hingað hefur komið í leit að betra lífi og hefur um leið lagt sitt af mörkum til að byggja hér upp öflugt og gott samfélag. Innflytjendur eiga svo sannarlega betra skilið.

Tökum endilega þessa umræðu!,“ skrifar Þorsteinn Víglundsson á Facebook-síðu sína en í síðustu viku samþykkti ríkisstjórn Íslands, að taka á móti 50 kvótaflóttamönnum á næsta ári.

Frétt ráðuneytisins

mbl.is/Hanna Andrésdóttir
Sýrlenskt flóttafólk við landamæri Jórdaníu.
Sýrlenskt flóttafólk við landamæri Jórdaníu. AFP
mbl.is/Júlíus
mbl.is

Innlent »

Vill að borgarstjóri axli ábyrgð

Í gær, 23:13 „Munurinn á þessum tveimur málum er þessi: framkvæmdastjóri félagsbústaða hefur sagt af sér en framkvæmdastjóri braggamálsins, sem er framkvæmdastjóri borgarinnar og borgarstjóri, hefur ekki gert það,“ segir oddviti Sjálfstæðisflokksins, spurður út í sitt álit á verkefni Félagsbústaða við Írabakka. Meira »

Skútuþjófurinn í farbann

Í gær, 22:08 Héraðsdómur Vestfjarða hefur fallist á kröfu lögreglustjórans á Vestfjörðum um að maðurinn sem sigldi seglskútu í heimildarleysi úr höfn á Ísafirði aðfararnótt sunnudags sæti farbanni. Meira »

Íslenskir nemar elstir og tekjuhæstir

Í gær, 21:03 Íslenskir háskólanemar eru þeir elstu í Evrópu, eiga fleiri börn og eru með hærri tekjur en háskólanemar í öðrum Evrópulöndum, en kostnaður íslenskra háskólanema vegna fæðis og húsnæðis er um tvöfalt hærri en meðaltalið er í Evrópu. Meira »

Sveitarstjórn mótmælir seinagangi

Í gær, 20:58 Sveitarstjórn Skútustaðahrepps mótmælir seinagangi vegna gistináttaskatts í ályktun sem var samþykkt á dögunum.  Meira »

Kröfugerð VR samþykkt

Í gær, 20:32 Kröfugerð VR fyrir komandi kjaraviðræður var samþykkt á fundi trúnaðarráðs í kvöld. Í kröfugerðinni kemur fram að markmið kjarasamninga nú verði að rétta hlut þeirra lægst launuðu og auka ráðstöfunartekjur allra félagsmana. Meira »

Vilja láta rjúpuna njóta vafans

Í gær, 20:24 „Það er ljóst að við ofmetum rjúpnastofninn og það er skylda Náttúrufræðistofnunnar að hvetja til varfærni í tengslum við nytjar,“ segir fuglafræðingar hjá Náttúrufræðistofnun. Stofnunin hafi því ákveðið að miða rjúpnaveiðiráðgjöf sína við Vesturland í stað Norðausturlands eins og hefð sé fyrir. Meira »

Minnir á Bakkabræður

Í gær, 20:18 Veiðigjöld á útgerðir eru ósanngjörn og gríðarlegur munur er á veiðigjöldum eftir fisktegundum, segir Guðmundur Kristjánsson, forstjóri HB Granda og eigandi Útgerðarfélags Reykjavíkur. Meira »

Hagsýni er kvenfélagskonum í blóð borin

Í gær, 20:05 „Kvenfélög hafa nú sem endranær mikilvægu hlutverki að gegna. Í ýmsum líknar- og velferðarmálum úti um allt land hefur mjög munað um framlag kvenfélaganna, enda er starfsemi félaganna öflug mjög víða, og áherslumál að styðja góð málefni í nærsamfélaginu. Á árabilinu 2007 til 2017 var þetta samanlagt stuðningur upp á einn milljarð króna,“ segir Guðrún Þórðardóttir, formaður Kvenfélagasambands Íslands. Meira »

„Ég var ekki aðalhönnuður verksins“

Í gær, 19:30 Arkitekt hjá Arkibúllunni segir reikninga fyrirtækisins vegna braggans við Nauthólsveg ekki óvenjuháa og að tímarnir séu ekki óvenjulega margir í ljósi þess hve verkefnið dróst á langinn. Meira »

Kvartað yfir aðstæðum í skólamötuneyti

Í gær, 19:11 Umboðsmaður barna sendi síðasta vor bréf til Hafnarfjarðarbæjar eftir að embættinu hafði borist ábending vegna aðstæðna í skólamötuneyti í Áslandsskóla í Hafnarfirði. Meira »

Styttri vinnuvika hjá Hugsmiðjunni

Í gær, 18:57 Minni vinna og allir vinna segir Margeir Ingólfsson, stjórnarformaður Hugsmiðjunnar sem hefur gengið mjög langt í vegferð jafnréttis með því að stytta vinnuviku starfsfólks fyrirtækisins úr átta í sex. Mælingar sýna meiri framleiðni, færri veikindadaga og aukna starfsánægju starfsfólksins. Meira »

Músarrindill, glókollur og rjúpa

Í gær, 18:43 Fuglalífið í Hrísey hefur sjaldan verið blómlegra en nú. Þegar sumrin eru góð og áfallalaus verður viðkoma fuglanna góð og lífið dafnar. Alls verpa um 40 tegundir fugla í eynni og mér finnst alltaf ævintýrið eitt að fylgjast með lífi þeirra,“ segir Þorsteinn Þorsteinsson, fuglaáhugamaður á Akureyri. Hann á sínar rætur í Hrísey og hefur síðan í æsku fylgst vel með fuglalífinu þar. Meira »

„Innri endurskoðun hlífir engum“

Í gær, 18:41 „Það var gott að það var farið fram á að innri endurskoðun tæki út þessar framkvæmdir og viðhald við Írabakka,“ segir Líf Magneudóttir, borgarfulltrúi VG, um úttekt sem gerð var vegna um­fram­kostnaðar við end­ur­bæt­ur á íbúðum Fé­lags­bú­staða við Írabakka í Reykja­vík. Meira »

Öðruvísi staðið að framkvæmdum núna

Í gær, 17:55 „Ég fagna því að það hafi verið ráðist í þessa úttekt,“ segir Dóra Björt Guðjónsdóttir, oddviti Pírata í borgarstjórn um út­tekt sem gerð var vegna um­fram­kostnaðar við end­ur­bæt­ur á íbúðum Fé­lags­bú­staða við Írabakka í Reykja­vík. Meira »

Nauðganir öflugt vopn í stríði

Í gær, 17:55 Kynferðislegt ofbeldi á ekkert sammerkt með kynlífi heldur er það glæpur og er notað sem valdatæki segir Yves Daccord, framkvæmdastjóri alþjóðaráðs Rauða krossins. Nauðganir eru öflugt vopn á átakasvæðum og rödd Íslands skiptir máli þegar kemur að mannréttindum segir hann. Meira »

Hljóp á brott frá lögreglunni

Í gær, 17:52 Ökumaður sem lögreglan á höfuðborgarsvæðinu hafði stöðvað í Grafarvogi vegna gruns um ölvunarakstur hljóp úr bíl sínum á brott frá lögreglunni um fimmleytið í dag. Meira »

Fiskeldi í Reyðarfirði fyrir dóm

Í gær, 17:50 Mál málsóknarfélagsins Náttúruverndar 2 á hendur Matvælastofnun og Löxum fiskeldi ehf. verður flutt fyrir Héraðsdómi Reykjaness 15. nóvember. Meira »

Krefjast farbanns yfir skútuþjófnum

Í gær, 17:24 Lögreglan á Vestfjörðum hefur yfirheyrt manninn sem handtekinn var um borð í skútu á Rifi á Snæfellsnesi í gær.   Meira »

Sigurvissir Svisslendingar

Í gær, 17:20 Þeir voru sigurvissir stuðningsmenn svissneska landsliðsins sem voru í miðbænum í dag og biðu eftir landsleiknum við Ísland á Laugardalsvelli í kvöld. Minnugir stórsigursins í síðasta leik spá þeir sínum mönnum öruggum sigri. Meira »
Tjarnarmyri íbúð
Íbúð með 3 svefnherbergjum og 2 baðherbergi. Húsgögnum, fullbúið eldhús, svalir,...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Hauststemning í Biskupstungum...
Eigum laust sumarhús í okt/nóv. Hlý og kósí hús með heitum potti.. Besti vinur...
Bókhald
NP Þjónusta Býð fram liðveislu við bókanir, reikn-ingsfærslur o.fl. Hafið samban...