Stöðvaður eftir utanvegaakstur á Sprengisandi

Ólafur segir að ökumaður bílsins hafi sagt sér að þetta ...
Ólafur segir að ökumaður bílsins hafi sagt sér að þetta væri sjöunda skiptið sem hann kæmi hingað til lands. Ljósmynd/Ólafur Schram

Þýskir ferðamenn á stórum sérhönnuðum fjallabíl voru í gær stöðvaðir af landvörðum í Nýjadal vegna meints utanvegaaksturs frá Laugafelli niður að Nýjadal. Hafði leiðsögumaður sem var samnátta ferðamönnunum í Laugafelli nóttina áður látið vita af förum utan vegar á löngum köflum og pössuðu förin við bílinn sem um ræðir. Játuðu mennirnir fyrir landverði að hafa keyrt við hlið vegarins, en að þeir hafi ekki talið slíkt utanvegaakstur.

Ólafur Schram leiðsögumaður segir í samtali við mbl.is að hann hafi hitt mennina í Laugafelli á mánudagskvöldið þar sem ökumaðurinn hafi meðal annars sagt sér að þetta væri hans sjöunda ferð til Íslands.

Þekkti munstrið

Daginn eftir þegar Ólafur lagði af stað niður Skagfirðingaleið að Nýjadal tók hann eftir sporum utan vegarins. „Ég er orðinn nokkuð viss í svona málum. Þekki munstrið á Unimog bílum og þetta var sama breiddin og á dekkjunum,“ segir Ólafur. Hann hafi því tekið myndir af förunum og haft samband við landvörð í Nýjadal og látið þau vita af háttalaginu.

Bílförin liggja víða meðfram veginum.
Bílförin liggja víða meðfram veginum. Ljósmynd/Ólafur Schram

Ólafur kom um 20 mínútum síðar niður í Nýjadal þar sem landvörður hafði stöðvað för bílsins. Ólafur segir við mbl.is að ökumaðurinn hafi þarna þverneitað fyrir að hafa stundað utanvegaakstur og að samferðamenn hans hafi tekið undir það.

Neituðu fyrst en játuðu svo

Stefanía R. Ragnarsdóttir, landvörður í Nýjadal, segir í samtali við mbl.is að fyrst um sinn hafi mennirnir neitað sök, en þegar hún hafi sýnt þeim myndirnar og borið saman förin á þeim við skurðinn á dekkjunum hafi ökumaðurinn viðurkennt að hafa ekið við hlið vegarins. „Þeir töldu þetta ekki utanvegaakstur þar sem þetta var við hlið vegarins,“ segir Stefanía og bætir við að hún hafi ítrekað við þá að það væri einmitt svona akstur sem flokkaðist sem utanvegaakstur.

Skrifuð var skýrsla um málið sem svo fer til lögreglunnar sem ákveður áframhald þess.

Ljósmynd/Ólafur Schram

Vill strangari reglur

Þetta er ekki í fyrsta skipti sem Ólafur kemur að því að upplýsa um utanvegaakstursmál, en fyrr í sumar lét hann lögregluna vita af akstri ferðamanna við Fjallsárlón sem keyrðu utan vegar.

Ólafur segir að svo virðist vera sem ökumaðurinn í gær hafi verið að reyna að spara sér „þvottabrettin“ á veginum, en að hann hafi þó verið á þannig bíl að lítið mál sé að minnka loftþrýsting í dekkjum. Hann segir að gera þurfi meira til að koma í veg fyrir þessi náttúruspjöll. „Ég vil hafa miklu strangari reglur og að geta vísað fólki úr landi sem þetta gerir,“ segir hann. Þannig þurfi sektir og viðurlög að hafa áhrif á fólkið.

Segir Ólafur að miðað við þær sektir sem séu í utanvegaakstursmálum sé líklegast að hafa áhrif með að upplýsa um hverjir gerendurnir séu. Þannig muni mögulega jeppaklúbbar sem þeir tilheyri erlendis ekki vilja tengja sig við ökumenn sem gerist sekir um utanvegaakstur.

Ljósmynd/Ólafur Schram
mbl.is

Innlent »

Lögreglan lýsir eftir Heiðrúnu

00:37 Lögreglan á höfuðborgarsvæðinu lýsir eftir Heiðrúnu Kjartansdóttur, 41 árs, en síðast er viðtað um ferðir hennar síðastliðinn miðvikudag. Meira »

Blóð úr ófæddum tvíbura

Í gær, 22:15 Þekkt er að blóðgjöf örvar súrefnisflæði og getur haft góð áhrif fyrir keppni. Þegar blóðprufa leiddi í ljós blóð í æðakerfinu sem ekki var úr honum sjálfum gáfu menn sér að hjólreiðamaðurinn Tyler Hamilton hefði beitt þessari aðferð. Svo var ekki, alltént ef marka má Hamilton sjálfan. Meira »

Móttaka nýs Herjólfs: Myndasyrpa

Í gær, 21:22 Tekið var á móti nýjum Herjólfi við hátíðlega athöfn í Friðarhöfn í Vestmannaeyjum í dag. Sigurður Ingi Jóhannsson afhenti Vestmannaeyingum nýja ferju og Katrín Jakobsdóttir nefndi hana formlega. Meira »

Að öðlast heyrn og mannréttindi

Í gær, 20:47 Bræðurnir Óli Þór og Nói Hrafn Sigurjónssynir fæddust heyrnarlausir, fóru í kuðungsígræðslu á unga aldri, hafa unnið þrotlaust með sérfræðingum og foreldrum sínum að því að fá heyrn og standa nú á tímamótum. Meira »

Þrír skiptu með sér lottópottinum

Í gær, 20:08 Þrír heppnir miðaeigendur skiptu með sér sjöföldum lottópotti kvöldsins, sem hljóðaði upp á rúmar 100 milljónir, og fær hver þeirra rúmlega 34,5 milljónir króna í vinning. Meira »

Fimm í bílveltu á Vesturlandi

Í gær, 19:55 Fimm manns voru í bíl sem valt á Snæfellsvegi skammt frá bænum Gröf í Eyja- og Miklaholtshreppi á sjöunda tímanum í kvöld.  Meira »

Gekk upp og niður Esjuna í sólarhring

Í gær, 19:07 „Ég ligg bara og tek því mjög rólega. Ég stend eiginlega ekki í lappirnar ef ég á að vera hreinskilinn,“ segir Svanberg Halldórsson í samtali við mbl.is. Hann náði því ótrúlega afreki að ganga upp og niður Esjuna tólf sinnum í einum rykk og er því líklega íslandsmethafi í Esjugöngu. Meira »

Hvaða hlutverki gegnir þjóðkirkjan?

Í gær, 18:15 Þjóðkirkjan er stærst trúfélag á Íslandi og kemur að lífi margra á hverjum degi. Hlutverk hennar hefur breyst í gegnum árin. Hér verður hlutverk hennar í íslensku samfélagi skoðað frá mismunandi sjónarhornum. Meira »

Fjölmennt á torfærukeppni Bíladaga

Í gær, 17:50 Torfærukeppni Bíladaga á Akureyri stendur nú yfir á þessari árlegu hátíð sem haldin er um helgina. Mikill fjöldi fólks er mættur til að horfa á ökumenn sýna listir sínar og er stemningin góð. Þór Þormar Pálsson var fljótastur í tímabraut og kom í mark á 46 sekúndum. Meira »

„Hér eru allir í skýjunum“

Í gær, 17:37 „Þetta var í alla staði frábær dagur. Við fengum hér stútfulla hafnarstétt af fólki, athöfnin sjálf var frábær og hér eru allir í skýjunum,“ segir Guðbjartur Ellert Jónsson, framkvæmdastjóri Herjólfs, um móttöku skipsins í samtali við mbl.is. Meira »

Ríkisvæðingarstefna dauðans

Í gær, 16:30 Bæklunarsérfræðingarnir Ágúst Kárason og Ragnar Jónsson, sem einnig er lögfræðingur, eru afar ósáttir við nýja heilbrigðisstefnu heilbrigðisráðherra. Ekkert samráð var haft við sérfræðinga og segja þeir ógerlegt að færa allar aðgerðir inn á spítalana. Meira »

Fékk sér Billie Eilish-tattú

Í gær, 16:10 Allt bendir til þess að Birta Líf Bjarkadóttir sé helsti aðdáandi poppstjörnunnar bandarísku Billie Eilish hér á landi. Vitnisburður um það er nýja húðflúrið hennar Birtu, sem er mynd af Billie. Meira »

300 hlupu kvennahlaup á Akureyri

Í gær, 15:30 Kvennahlaupið fór fram í þrítugasta sinn í blíðskaparveðri um allt land, en frábær þátttaka var í hlaupinu og talið er að 10.000 konur hafi tekið þátt í því á yfir 80 stöðum um land allt og víða erlendis. Meira »

Fjárlaganefnd bara að „bora í nefið“

Í gær, 14:43 Á meðan þingið bíður eftir að fjármálaáætlun komi frá fjárlaganefnd bíður fjárlaganefnd eftir gögnum frá fjármálaráðuneytinu til að vinna úr. Nefndin er í „algerri biðstöðu,“ segir Björn Leví Pírati. Meira »

Rigningin stoppaði stutt við

Í gær, 14:17 Þau tíðindi urðu á öðrum tímanum í dag að regnskúr gerði á höfuðborgarsvæðinu. Rigningin stoppaði þó stutt við en ekki hefur rignt að ráði undanfarnar vikur. Meira »

Hefur verið á göngu síðan átta í gær

Í gær, 13:00 Einar Hansberg Árnason hefur gengið 50 kílómetra síðan klukkan átta í gærkvöldi. Hann á 50 kílómetra fram undan. Hann er í sérstöku þyngdarvesti og stoppar á tveggja tíma fresti og tekur æfingu. Meira »

Eðlilegt að E. coli greinist í kjöti

Í gær, 12:56 „Nei í sjálfu sér ekki. Það er eðlilegt því E. coli er í þarmaflóru nautgripa og sauðfjár og hluti þeirra getur borið shigatoxín,“ segir Dóra Gunnardóttir, forstöðumaður neytendaverndar Matvælastofnunar, spurð hvort það hafi komið á óvart að shigatoxínmyndandi E.coli (STEC) hafi fundist í kjöti á markaði. Meira »

Sáu Herjólf leggjast að bryggju

Í gær, 11:59 Hópur fólks fylgdist með nýjum og glæsilegum Herjólfi leggjast að bryggju í Vestmannaeyjum í gærkvöldi.  Meira »

Þrítugasta kvennahlaupið í veðurblíðu

Í gær, 11:41 Kvennahlaupið hófst víða um landið klukkan 11 í morgun en það fer fram í þrítugasta sinn. Ljósmyndari mbl.is var á ferðinni í Garðabæ þar sem fjöldi kvenna úr öllum aldurshópum var mættur í veðurblíðunni til að taka þátt í hlaupinu. Meira »