Fiskútflytjandi grunaður um stórfelld svik

Skattsvikin eru talin hlaupa á hundruðum milljóna.
Skattsvikin eru talin hlaupa á hundruðum milljóna. mbl.is/Golli

Húsleit var gerð á heimili Sigurðar Gísla Björnssonar, framkvæmdastjóra fiskútflutningsfyrirtækisins Sæmarks, skömmu fyrir áramót en Sigurður er grunaður um stórfelld skattaundanskot sem talin eru hlaupa á hundruðum milljóna króna. Þetta kemur fram á forsíðu Fréttablaðsins í dag.

Eignir hans voru á sama tíma kyrrsettar og bankareikningar haldlagðir. Þetta herma heimildir Fréttablaðsins.

Embætti skattrannsóknarstjóra hefur haft mál Sigurðar til meðferðar frá því Panama-skjölin voru birt, en fjallað er um mál Sigurðar í frétt frá Reykjavík Media haustið 2016 sem var birt í Fréttatímanum í október 2016.

Viðskipti tengd af­l­ands­fé­lag­inu Freez­ing Po­int Corp voru sögð áber­andi í gögn­un­um en fé­lagið er í eigu Sig­urðar Gísla Björns­son­ar. Ekki náðist í Sig­urð vegna máls­ins á þeim tíma og samkvæmt frétt Fréttablaðsins í dag neitar hann að tjá sig við blaðið.

Fréttablaðið

mbl.is