Ólöf Ragnarsdóttir
Utanríkisráðuneytið er í sambandi við alþjóðadeild lögreglu og ræðismenn í Tyrklandi vegna orðróms um að íslenskur karlmaður hafi látist í Afrin í Sýrlandi fyrir nokkrum dögum.
Ráðuneytinu er ekki kunnugt um veru hans, né annarra Íslendinga, í Sýrlandi. Þetta segir María Mjöll Jónsdóttir, deildarstjóri hjá utanríkisráðuneytinu, í samtali við mbl.is. Að sögn má búast við að málið taki tíma í vinnslu.
Meðal þeirra sem greina frá málinu á Facebook-síðu sinni er tyrkneski vefmiðillinn Etha. Þá er einnig greint frá málinu í tyrknesku útgáfu fréttamiðilsins CNN og í frétt Hurriyet, sem er einn stærsti fréttamiðill Tyrklands. Í fréttunum segir að Íslendingurinn hafi fallið í árásum tyrkneska hersins en að sjálfur hafi hann barist við hlið sýrlenskra Kúrda.