Vonandi hægt að opna veginn á morgun
Töluvert hefur dregið úr vatnshæðinni nú síðdegis.
mbl.is/Jónas Erlendsson
Setja bókamerki
Töluvert hefur dregið úr vatnsflaumi sem flætt hefur yfir þjóðveg eitt í Eldhrauni vegna hlaups í Skaftá. Sveinn K. Rúnarsson, yfirlögregluþjónn hjá lögreglunni á Suðurlandi, staðfestir í samtali við mbl.is að vatn hafi töluvert sigið nú síðdegis og í kvöld. Haldi vatn áfram að síga á svipuðum hraða megi búast við því að hægt verði að opna veginn á morgun.
Þjóðvegurinn hefur verið lokaður síðan í gærmorgun og umferð beint um Meðallandsveg, en um er að ræða lélegan malarveg og einbreitt malbik á kafla. Sveinn segir umferð þó hafa gengið áfallalaust fyrir sig og enginn óhöpp hafi verið tilkynnt. Ljóst sé að ökumenn taki mið af aðstæðum og fari varlega.
Vonast til að tjaldbúðir við HÍ standi áfram
Kostnaður meiri en milljón á fermetra
Breytingar á skipulagi fréttadeildar RÚV
Væri að ljúga ef ég segðist ekki stressaður
Sex hafa greinst með listeríu
Nemendur í HÍ reistu tjaldbúðir án leyfis
Gígbarmurinn hækkað frá því í gær