„Erum algjörlega í lausu lofti“

Bæði jeppinn og kerran þeyttust út í skurð er skýstrókarnir ...
Bæði jeppinn og kerran þeyttust út í skurð er skýstrókarnir fóru yfir Norðurhjáleigu. Ljósmynd/Sæunn Káradóttir

„Það hringir engin í okkur og engin hefur áhuga á að skoða þetta eða meta neitt,“ segir Sæunn Káradóttir, bóndi í Norðurhjáleigu í Álftaveri við Kúðafljót. Skýstrókar fóru yfir bæinn síðasta föstudag og ollu verulegu tjóni þótt stillt veður væri á bæjunum í kring. Stór jeppi með kerru þeytt­ist út í skurð, þak­plöt­ur fuku fleiri hundruð metra og girðing­ar lögðust á hliðina.

Vátryggingafélag þeirra hjóna bætir ekki tjónið þar sem þau voru ekki með foktryggingu og í gær funduðu Náttúruhamfaratryggingar Íslands (NTÍ) um mál Norðurhjáleigu. Fyrr í vikunni sagði Hulda Ragn­heiður Árna­dótt­ir, fram­kvæmda­stjóri NTÍ, í samtali við mbl.is að lagabreytingar þyrfti við svo NTÍ bætti tjónið. Fundurinn í gær virðist staðfesta það. „Þau hringdu bæði og sendu tölvupóst til okkar, en það kom s.s. ekkert nýtt fram þar,“ segir Sæunn. Lögin væru svona og ekkert hægt að gera.

Sveitarstjórn Skaftárhrepps fundaði einnig um málið í gær og fer hún fram á að almannatryggingakerfið taki til endurskoðunar skilgreiningu á því hvað telst til náttúruhamfara. Fer hún fram á að bændur Norðurhjáleigu fái tjónið bætt og ætlar að senda al­manna­trygg­ing­um og for­sæt­is­ráðherra bréf um að þörf sé á að end­ur­skoða skil­yrði fyr­ir bót­um úr NTÍ.

Ef þetta eru ekki náttúruhamfarir hvað þá?

Sæunn segir þau óneitanlega sátt við viðbrögð sveitarstjórnar og þau finni líka fyrir miklum stuðningi í sveitinni. „Allir sem maður hittir spyrja líka: „Ef þetta eru ekki náttúruhamfarir, hvað þá?“ Maður tryggir sig fyrir venjulegu roki, en þetta er bara eitthvað allt annað.“

Þök fuku af sjö húsum er skýstrókarnir fóru yfir. Skemmdir ...
Þök fuku af sjö húsum er skýstrókarnir fóru yfir. Skemmdir hafa svo verið að koma í ljós á fleiri húsum. Ljósmynd/Sæunn Káradóttir

Spurð hvort þau séu farin að meta tjónið segir hún svo ekki vera. „Við erum ekkert farin að reikna út kostnað eða annað slíkt, en við erum alltaf að sjá meira og meira hvað hefur skemmst.“ Þannig hafi komið í ljós að sum hús þurfi jafnvel að rífa og skemmdir hafi leynst á húsum sem þökin fóru ekki af. „Þetta var eitthvað sem sást ekki strax,“ bætir hún við.

Þau eru ekki heldur farin að loka þeim húsum sem þau geta notað áfram, þó að haustið nálgist óðfluga. „Við þorum ekki að byrja því við vitum ekki hvort að það ætlar einhver að koma og meta þetta tjón,“ segir Sæunn. „Það hringir enginn í okkur og engin hefur áhuga á að skoða þetta eða meta neitt svoleiðis. Þannig að við erum algjörlega í lausu lofti með þetta.“

Það þurfi hins vegar að ganga frá ýmsum húsum, bæði að loka þökum eða þá rífa þau, en áður þurfi þau helst að fá staðfestingu á hvað þau megi gera.

„Okkur langar auðvitað að nýta þennan litla tíma sem við höfum í þetta, en þegar maður veit ekki hvað má rífa niður eða laga þá erum við algjörlega stopp.“

Vonast eftir svörum frá Veðurstofunni

Blaðamaður nefnir við Sæunni að hún virðist hafa tekið hamförunum af aðdáunarverðri ró. „Við erum bara þannig manneskjur að það sést ekki utan á okkur,“ segir hún. „Þetta er samt auðvitað sjokk og tekur á.“

Í leit sinni eftir aðstoð sendu þau líka tölvupóst á bjargráðasjóð og barst svar frá sjóðnum í gær. „Við fengum það svar að ef við getum sannað að þetta sé ekki eitthvað sem hægt sé að tryggja fyrir þá geti þeir tekið þetta til athugunar,“ segir Sæunn.

Næsta mál á dagskrá er því að sjá hver niðurstaða Veðurstofu Íslands verður, en sérfræðingar frá Veðurstofunni fóru í vettvangsferð að Norðurhjáleigu á þriðjudag til að átta sig á krafti og stærð skýstrókanna. „Þeir ætluðu að vera í í sambandi við okkur,“ segir Sæunn og kveður væntanlega taka tíma að skoða þetta. „Ég vona svo að þau geti bent á að þetta var ekki eitthvað venjulegt rok, heldur eitthvað allt annað.“

„Spurð hvort að hún sé bjartsýn að aðstoð fari að fást, segir hún tilfinningar sínar vera beggja blands. „Ég vona það besta, en býst kannski við því versta. Þetta er þannig mál að það veit enginn hvað hann á að gera.“

mbl.is

Innlent »

Bifreiðin fannst mannlaus í Breiðholti

08:51 Bifreið af gerðinni Land Rover Disco­very, sem stolið var frá Bjarn­ar­stíg í Reykja­vík í aðfaranótt þriðjudags, er komin í leitirnar. Þetta kemur fram í tilkynningu frá lögreglu sem þakkar fyrir veitta aðstoð. Meira »

Halda sig við Karítas Mínherfu

08:37 Borgarleikhúsið ætlar að halda sig við nafnið Karítas Mínherfa á einni sögupersónu í söngleiknum Matthildi, sem verður frumsýndur 15. mars. Meira »

Fáséðir dverggoðar dvelja á landinu

08:18 Þrír dverggoðar dvelja nú á landinu. Þeir hafa verið sjaldgæf sjón til þessa á Íslandi og eru þetta 4., 5. og 6. fuglinn af þessari tegund sem sjást hér á landi. Meira »

Fljótamenn óttast óafturkræf spjöll

07:57 Orkusalan, dótturfélag RARIK, vinnur að rannsóknum vegna áforma um Tungudalsvirkjun í Fljótum í Skagafirði en Orkustofnun (OS) gaf út rannsóknarleyfi á síðasta ári. Áformin hafa mætt andstöðu meðal Fljótamanna, sem minnast þess þegar nánast heilli sveit í Stífludal var sökkt vegna Skeiðsfossvirkjunar fyrir rúmum 70 árum. Til varð miðlunarlón sem fékk heitið Stífluvatn. Óttast heimamenn að unnin verði óafturkræf spjöll á náttúrunni. Meira »

Vara við hálku á Suðvesturlandi

07:47 Úrkomusvæði, með töluvert hlýrra lofti en verið hefur, gengur yfir suðvestanvert landið í dag og líkur eru á að hláni við suðurströndina og jafnvel á Reykjanesi. Þegar hlánar í stutta stund ofan á þjappaðan snjó getur orðið flughált, til dæmis í innkeyrslum og á göngustígum og vissara að fara öllu með gát, að því er segir í hugleiðingum veðurfræðings. Meira »

Bergþór ætlar að halda áfram á þingi

07:21 Bergþór Ólason, þingmaður Miðflokksins, hyggst taka sæti að nýju á Alþingi. Hann og Gunnar Bragi Sveinsson tóku sér leyfi frá þingmennsku í lok nóvember í kjölfar þess að upptökur af samtali þeirra og fjögurra annarra þingmanna frá barnum Klaustri voru afhentar fjölmiðlum. Meira »

Réttindalaus með stera í bílnum

06:21 Lögreglan á höfuðborgarsvæðinu hafði afskipti af nokkrum ökumönnum í nótt. Ökumaður sem var stöðvaður í Breiðholti reyndist undir áhrifum fíkniefna og hafði hann verið sviptur ökuréttindum, auk þess sem bifreiðin sem hann ók á var á röngum skráningarmerkjum. Einnig fundust fíkniefni í bifreiðinni. Meira »

Xanadu-söngleikurinn á svið

06:00 Sýningar Nemendafélagsins í Verslunarskóla Íslands vekja gjarnan mikla athygli og má segja að þær séu ákveðin skrautfjöður í félagslífi skólans. Í ár bjóða þau upp á söngleikinn Xanadu. Meira »

Vill fjölga þrepum í tekjuskatti

05:30 Miðstjórn ASÍ samþykkti í gær tillögur um breytingar á skattkerfinu sem efnahags-, skatta- og atvinnumálanefnd sambandsins hefur unnið. Þar er m.a. lagt til að tekin verði upp fjögur skattþrep, þar sem fjórða skattþrepið verði hátekjuþrep, og að skattleysismörk hækki og fylgi launaþróun. Meira »

Enginn fjöldaflótti úr VR

05:30 Ragnar Þór Ingólfsson, formaður VR, vísar því á bug að margir félagsmenn VR hafi undanfarið gengið í önnur stéttarfélög vegna óánægju með málflutning verkalýðshreyfingarinnar. Meira »

Borgin semji um Keldnalandið

05:30 Sjálfstæðismenn munu bera upp tillögu í borgarráði í dag um að Reykjavíkurborg semji við ríkið um Keldnalandið og hefjist tafarlaust handa við skipulagningu svæðisins. Meira »

Rústir 22ja bæja eru í dalnum

05:30 Minjastofnun hefur gert tillögu að friðlýsingu alls búsetulandslags Þjórsárdals, jafnhliða því sem óskað hefur verið eftir að Gjáin og fleiri náttúruminjar í dalnum verði friðlýstar. Meira »

Reisa timburhús við Kirkjusand

05:30 Skipulagsyfirvöld í Reykjavík hafa auglýst breytingu á deiliskipulagi Kirkjusands. Meðal annars er íbúðum fjölgað á reitum G, H og I úr 100 í 125. Meira »

Enginn lax slapp úr sjókví Arnarlax

05:30 „Það er búið að vitja allra netanna og það hefur enginn fiskur fundist. Það eru góðar fréttir,“ segir Kjartan Ólafsson, stjórnarformaður Arnarlax, en í gær var vitjað neta sem lögð voru til að kanna hvort lax hefði sloppið úr sjókví fyrirtækisins við Hringsdal í Arnarfirði. Fiskistofa stýrði aðgerðum í gær. Meira »

„Miður mín yfir mörgu sem ég sagði“

05:30 „Ég hef talað við áfengisráðgjafa og leitað aðstoðar sálfræðings og ég hef átt löng og hispurslaus samtöl við þá sem lengi hafa þekkt mig.“ Meira »

Snjóhengja féll af húsi á konu

Í gær, 23:47 Lögreglunni á höfuðborgarsvæðinu var tilkynnt um snjóhengju sem féll af húsi í Faxafeni á konu sem átti leið um.  Meira »

Áströlsku hjónin stefna Mountaineers

Í gær, 22:55 Áströlsk hjón sem týndust í sjö tíma í vélsleðaferð við Langjökul fyrir tveimur árum hafa stefnt ferðaþjónustufyrirtækinu Mountaineers of Iceland. Þau krefjast miskabóta og segja atvikið hafa haft mikil sálræn áhrif á þau. Meira »

Reikningur barns tæmdur vegna mistaka

Í gær, 22:47 Solveig Rut Sigurðardóttir rak upp stór augu eftir að 18 ára drengur setti sig í samband við hana í gærkvöldi og upplýsti hana um að dóttir hennar hefði millifært á reikning hans rúmlega 100 þúsund krónur. Hann þóttist vita að mistök hefðu verið gerð. Meira »

Enginn samningur og ekkert samráð

Í gær, 21:58 Stjórn Neytendasamtakanna hefur áhyggjur af stöðu leigjendamála á Íslandi og lýsir yfir furðu á samráðsleysi við samtökin í tengslum við tillögur átakshóps við vanda á húsnæðismarkaði. Þá gagnrýnir stjórnin að samningur Neytendasamtakanna og ríkisins um leigjendaaðstoð hafi ekki verið endurnýjaður. Meira »