Fyrirtaka í máli hjóna í nóvember

Fyrirtaka í máli hjóna sem eru grunuð um gróf kyn­ferðis­brot gegn dótt­ur sinni og stjúp­dótt­ur fer fram 5. nóvember. Þetta kom fram við þingfestingu málsins í Héraðsdómi Reykja­ness í dag. Þing­hald var lokað eins og van­inn er í kyn­ferðis­brota­mál­um.

Frétt af mbl.is

Mál gegn hjónum þingfest í næstu viku

Kolbrún Benediktsdóttir varahéraðssaksóknari sagði að hjónin hefðu játað brot sín að hluta en gat ekkert tjáð sig frekar um málið þegar blaðamaður mbl.is ræddi við hana fyrir utan dómsalinn.

For­saga máls­ins er sú að stjúp­dótt­ir­in kom á lög­reglu­stöðina á Suður­nesj­um og lagði fram kæru á hend­ur mann­in­um og móður sinni. Við yf­ir­heyrslu í júlí játaði fólkið að hafa framið brot­in. Kon­an sætti gæslu­v­arðhaldi en var síðan sleppt þar sem hlut­ur manns­ins í brot­inu var tal­inn meiri.

Konan á leið í dómsalinn. mbl.is/Kristinn Magnússon

Eft­ir að ákæra var gef­in út í mál­inu 1. októ­ber var kon­an aft­ur úr­sk­urðuð í gæslu­v­arðhald. Kom þá fram að héraðssak­sókn­ari teldi að ef kon­an hefði gerst sek um jafnal­var­leg brot og henni væru gef­in að sök myndi það valda hneyksl­un og særa rétt­ar­vit­und al­menn­ings gengi hún laus.

Frétt af mbl.is

Konan aftur í gæsluvarðhald

Fólkið hef­ur viður­kennt að hafa beitt dótt­ur kon­unn­ar grófu of­beldi og enn frem­ur að hafa gert það á meðan önn­ur dótt­ir þeirra horfði á. 

Héraðsdómur Reykjaness. mbl.is/Ófeigur

• Blogga um frétt