Ekki ráðist í aðgerðir að svo stöddu
Setja bókamerki
Ekki þykir ráðlegt að ráðast í neinar aðgerðir á vettvangi í Helguvík, þar sem flutningaskipið Fjordvik strandaði í nótt, eins og staðan er núna. Mjög slæmar veðuraðstæður eru á svæðinu.
Ákvörðun um frekari aðgerðir verður því tekin síðar í dag. Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is.
Fundur fulltrúa Landhelgisgæslunnar, lögreglu, Samgöngustofu, almannavarna, Umhverfisstofnunar og fleiri aðila, sem hófst klukkan átta í morgun, stendur enn yfir.
Fimmtán manns var bjargað um borð í þyrlu Landhelgisgæslunnar í nótt, en neyðarkall barst frá skipinu klukkan 00:50. Aðgerðir þyrlunnar voru teknar upp á myndskeið sem sjá má í spilaranum hér að ofan. Aðstæður á vettvangi eru mjög erfiðar, veður slæmt og skipið lemst við stórgrýttan hafnargarðinn.
Sex hafa greinst með listeríu
Strand skemmtiferðaskips kallar á erlenda aðstoð
Gígbarmurinn hækkað frá því í gær
Bergnuminn í Hvalfirði
Krefjast stöðvunar framkvæmda
Kostnaður meiri en milljón á fermetra
Væri að ljúga ef ég segðist ekki stressaður
Nemendur í HÍ reistu tjaldbúðir án leyfis