„Heilbrigðiseftirlitið hefur reglubundið eftirlit með húsnæði skóla sem felur meðal annars í sér sjónmat en heilu byggingarefni er ekki raskað við eftirlit,“ seg­ir Rósa Magnús­dótt­ir, heil­brigðis­full­trúi Reykja­vík­ur­borg­ar. Í nóv­em­ber síðastliðnum kom Foss­vogs­skóli vel út úr reglu­bund­inni skoðun heil­brigðis­eft­ir­lits­ins en skól­an­um verður lokað vegna skemmda næsta miðviku­dag. 

Frétt af mbl.is

Sjá tækifæri í breytingunum

Hins veg­ar leiddi frek­ari út­tekt verk­fræðistof­unn­ar Verkís á skóla­hús­næðinu í ljós að ráðast þarf í mikl­ar úr­bæt­ur á skól­an­um. „[M]iðað við um­fang skemmda þá er um­fangs­mik­illa viðgerða og end­ur­nýj­un­ar þörf í skól­an­um.“ Þetta kem­ur fram í minn­is­blaði sem er dag­sett 6. mars síðastliðinn. Helstu at­huga­semd­irn­ar lúta að þaki á íþrótta­hús­inu, slæm­um loft­gæðum, bæta megi þrif sem og að finna megi skemmd­ir vegna langvar­andi leka. 

Rósa bendir á að heilbrigðiseftirlitið vinni eftir reglugerð um hollustuhætti og leiðbeiningum Umhverfisstofnunar um inniloft, sem gilda á landsvísu og eru byggðar á útgefnu efni frá Alþjóðaheilbrigðisstofnuninni (WHO) og systurstofnunum í Evrópu, Bandaríkjunum og á Norðurlöndunum. Samkvæmt þeim kom skólinn vel út í síðasta eftirliti heilbrigðiseftirlitsins. Eftirlitið feli meðal annars í sér sjónræna úttekt, hljóðvist er könnuð o.fl. Einnig bregðast eftirlitsmenn við ábendingum starfsfólks ef eitthvað þykir óeðlilegt og þarf að skoða nánar eins og til dæmis rakaskemmdir. Engar slíkar athugasemdir bárust í eftirlitinu sjálfu í nóvember en þá var fulltrúi skólayfirvalda með í för né heldur hafa athugasemdir komið inn á borð eftirlitsins, að sögn Rósu.

Frétt af mbl.is

Ánægð með lokunina

Í úttekt Verkís kemur fram að loftgæði séu ekki góð. Spurð hvort heilbrigðiseftirlitið þyrfti að bæta úttektina þ.e.a.s  að auka sýnatöku bendir Rósa á að það séu ekki til nein stöðluð opinber viðmiðunarmörk um loftgæði þegar kemur að sveppagróum. „Þau eru hvorki til hér á landi né á alþjóðavísu að mér vitandi. Það er erfitt að meta niðurstöðu úr sýnatöku ef við vitum ekki hvað mikið er mikið. Það gerir þetta viðkvæmt,“ segir Rósa. Loftgæði hvað varða hita, raka og koltvíoxíð er hægt að mæla og er gert við eftirlit ef tilefni er til, enda eru viðmiðunarmörk skilgreind.

Mannvit gerði úttekt á Fossvogsskóla að beiðni Reykjavíkurborgar. Þar kom meðal annars fram að sveppagró hafi fundist í öllum fimm sýnum sem tekin voru. Rósa tekur fram að sveppagró finnist í lofti bæði úti og inni og ekki er vitað hvað sé eðlilegt magn af sveppagró í rúmmetrum af lofti. „Fólk er misnæmt fyrir þessu og það á ekki að gera lítið úr því. Þarna er verið að verja börnin og við viljum að börnin eigi alltaf að njóta vafans,“ segir Rósa. 

Fossvogsskóli í Reykjavík. mbl.is/Eggert

Tengdar fréttir

Mygla í húsnæði

Fiskistofa lokar starfsstöð eftir að mygla fannst

• Kostnaður meiri en milljón á fermetra
• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“

» Fleiri tengdar fréttir

• Blogga um frétt