Menn­irn­ir tveir sem hand­tekn­ir voru við komu Nor­rænu til Seyðis­fjarðar 1. ág­úst, grunaðir um að hafa flutt veru­legt magn af fíkni­efn­um til lands­ins, komu einnig til landsins með Norrænu í fyrrasumar. RÚV greinir frá. 

45 kíló fundust af sterkum fíkniefnum, kókaíni og amfetamíni, við leit í bifreið mannanna við komu þeirra með Norrænu í byrjun ágúst. 

Frétt af mbl.is

Smyglarar í áframhaldandi varðhald

Fram kemur í frétt RÚV að tvímenningarnir, sem eru með rúmenskt og þýskt ríkisfang, hafi komið til Íslands með Norrænu í fyrrasumar á sömu skilríkjum og nú og á sama bílnum og fíkniefnin voru falin í nú.

Lögregla verst allra frétta vegna málsins en segir að rannsóknin sé viðamikil og unnin í samstarfi við erlend lögregluyfirvöld. Fréttastofa RÚV hefur heimildir fyrir því að grunur sé um að mennirnir hafi einnig haft fíkniefni meðferðis við komuna til landsins í fyrra. Þá hafi annar maðurinn komið flugleiðis til Íslands, að minnsta kosti einu sinni, á síðustu misserum. 

Mennirnir voru úrskurðaðir í fjögurra vikna áframhaldandi gæsluvarðhald 16. ágúst.

Tengdar fréttir

Fíkniefni fundust í Norrænu

Grunaðir smyglarar áfram í haldi

• Rannsóknum hnífstunguárásar og smygls miðar vel
• Smyglarar í áframhaldandi varðhald
• Málið enn á viðkvæmu stigi
• Verðmætasta magn efna frá upphafi

» Fleiri tengdar fréttir

• Blogga um frétt