Samkvæmt lögum um opinber fjármál og framsetningu fjárlaga er ríkislögreglustjóra skylt að innheimta árlega 200 milljónir króna umfram rekstrarkostnað í ríkissjóð. Á síðastliðnum þremur árum nemur upphæðin um 600 milljónum króna.

Þetta kemur fram í tilkynningu frá ríkislögreglustjóra, en tilefnið er umfjöllun Stöðvar 2 um bílamiðstöð ríkislögreglustjóra frá í gærkvöldi.

Þar segir að mikill mismunur sé á rekstrarkostnaði embættis ríkislögreglustjóra vegna lögreglubíla og þess hve mikið lögregluumdæmin hafi þurft að greiða bílamiðstöð. Til að mynda telji lögreglan á Norðurlandi vestra sig hafa verið ofrukkaða um 190% vegna leigu á lögreglubifreiðum á tæplega þriggja ára tímabili.

Frétt af mbl.is

Ákvörðunin tekin í júlí

„Vegna þeirra breytinga sem fólust í reikningsskilum ríkisaðila og áhrifa þeirra á bílareksturinn var það niðurstaða ríkislögreglustjóra og lögreglustjóra að ekki væru forsendur fyrir áframhaldandi rekstri og lögðu þeir til við dómsmálaráðuneytið að rekstur bílamiðstöðvar yrði aflagður. Á þetta féllst ráðherra í júlí sl. Skilanefnd starfar að uppgjöri sjóðsins,“ segir jafnframt í tilkynningu frá ríkislögreglustjóra.

Tengdar fréttir

Deilur innan lögreglunnar

Staðfestir launasamninga yfirlögregluþjóna

• Yfirlögregluþjónamál til Hæstaréttar
• Ömurlegt að standa í svona
• Yfirlögregluþjónar lögðu Sigríði aftur í launamáli
• Áfrýja dómi í launamáli yfirlögregluþjóna

» Fleiri tengdar fréttir

• Blogga um frétt