Landlæknisembættið hyggst gera úttekt á Reykjalundi á næstu dögum. Greint var frá þessu á fundi í morgun, sem heilbrigðisráðherra, landlæknir og fulltrúar Sjúkratrygginga Íslands héldu, um alvarlega stöðu sem upp er komin á Reykjalundi. Framkvæmdastjórn Reykjalundar verður greint frá því þessu í dag. Þetta kom fram í hádegisfréttum Ríkisútvarpsins. 

Alls hafa tíu læknar af tólf sagt upp störfum á Reykjalundi frá því í sumar. Ástandið hefur verið slæmt á stofnuninni frá því forstjóra Reykjalundar var sagt upp störfum í lok september og nokkrum dögum síðar sagði stjórn SÍBS, eiganda Reykjalundar, upp Magnúsi Ólafssyni lækni. 

Í kjölfarið sögðu fjölmargir læknar upp og rúmlega helmingur starfsfólks lýsti yfir vantrausti á stjórn SÍBS, eiganda Reykjalundar.  

Tengdar fréttir

Deilur í Reykjalundi

Nýtt rekstrarfélag stofnað um Reykjalund

• „Ýmsar hrókeringar“ í starfsmannamálum
• „Við tökum ábendingum frá landlækni alvarlega“
• Ólgan bitnaði ekki á sjúklingum
• Uppsagnir dregnar til baka á Reykjalundi

» Fleiri tengdar fréttir

• Blogga um frétt