Starfsmenn Reykjavíkurborgar hafa staðið í ströngu frá því í gær við að tryggja að sem minnst foktjón verði af völdum aftakaveðurs sem gengur yfir landið í dag og á morgun. 

„Það þarf að tryggja að hlutirnir fjúki ekki, þar á meðal kisinn okkar á Lækjartorgi. Ekki síst vegna þess að spár gera ráð fyrir því að þetta verði verst í miðborginni og í vesturhluta borgarinnar,“ segir Bjarni Brynjólfsson, upplýsingafulltrúi Reykjavíkurborgar, í samtali við mbl.is. 

Í morgun var jólakötturinn á Lækjartorgi bundinn við steypuklump líkt og sjá má á myndskeiði sem Stundin birti. Þá hafa stóru jólabjöllurnar sem skreyta götur miðborgarinnar verið teknar niður sem og Óslóartréð sem mun liggja af sér storminn.  

Frétt af mbl.is

Óslóartréð ljósum prýtt á Austurvelli

Um fyrirbyggjandi aðgerðir er að ræða, ekki síst þar sem Óslóartréð brotnaði í óveðri um svipað leyti fyrir fjórum árum. 

Frétt af mbl.is

Óslóartréð úrskurðað ónothæft

Teymi frá hverfastöð við Fiskislóð verður á vakt fram eftir degi og verður til taks ef eigur borgarinnar liggja undir skemmdum. 

Starfsmenn Reykjavíkurborgar hafa fellt niður Óslóartréð vegna veðursins sem spáð er í dag og á morgun. mbl.is/Eggert Jóhannesson

Stefnir í eitt versta óveður á landinu á síðari árum

Búist er við því að veður taki að versna á höfuðborgarsvæðinu síðdegis. Veðurspár virðast ætla að ganga eftir og stefnir í eitt versta óveður á landinu á síðari árum, að því er segir í ábendingu frá veðurfræðingi Vegagerðarinnar. Appelsínugul viðvörun er í gildi á öllu landinu nema á Ströndum og norðurlandi vestra þar sem rauð viðvörun er í gildi. 

Bjarni segir að frekar fámennt sé á starfstöðvum borgarinnar þennan morguninn. „Fólk var hvatt til að vinna frekar heima.“ Reykjavíkurborg hefur beðið foreldra og for­ráðamenn barna að sækja börn sína strax að skóla­degi lokn­um á morg­un svo að all­ir, börn, for­eldr­ar og starfs­fólk skóla og leik­skóla, geti verið komn­ir til síns heima áður en óveðrið skell­ur á klukk­an 15.

Frétt af mbl.is

Allir verði komnir heim fyrir kl. 15

Óslóartréð við Austurvöll var tendrað fyrsta sunnudag í aðventu en hefur nú verið tekið niður vegna óveðursins sem mun ganga yfir í dag og á morgun. mbl.is/Kristinn Magnússon

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt