Vetrarfærð er í öllum landshlutum en starfsmenn Vegagerðarinnar eru víða að kanna færð og hreinsa vegi í birtingu.
Vegum um Mývatns- og Möðrudalsöræfi og Fjarðarheiði er lokað.
„Heiðin er enn lokuð. Þarna er mikill snjór og mokstur mun taka langan tíma. Ekki er líklegt að vegurinn opnist fyrir hádegi,“ segir á vef Vegagerðarinnar um Fjarðarheiði.
Nokkuð stífur vindur er á suðvesthorninu og hviðótt bæði á Kjalarnesi og við Hafnarfjall.