Ekki er búið að bera kennsl á þau þrjú sem lét­ust í elds­voðanum á Bræðra­borg­ar­stíg á fimmtu­dag. Þetta ítrekar lögreglan á höfuðborgarsvæðinu í tilkynningu sem send var út síðdegis. 

Ásgeir Þór Ásgeirs­son­, yf­ir­lög­regluþjónn hjá lög­regl­unni á höfuðborg­ar­svæðinu, segir í samtali við mbl.is að kennslanefnd ríkislögreglustjóra, sem kölluð var til vegna málsins, vilji gefa sér tíma til að geta fullyrt 100 prósent hverjir viðkomandi eru. 

Frétt af mbl.is

„Þetta verður löng rannsókn“

Enn er einn á gjör­gæslu og ann­ar á al­mennri deild á Land­spít­ala vegna brun­ans en frek­ari upp­lýs­ing­ar um líðan þeirra verða ekki gefn­ar að svo stöddu.

Íbúar Vesturbæjar og nágrannar í gamla Vesturbænum efna til kyrrðarstundar við Bræðraborgarstíg á morgun klukkan 18 til að votta hinum látnu virðingu sína og sýna samúð og samhug með þeim sem eiga um sárt að binda eftir eldsvoðann. Frá þessu er greint á facebooksíðunni Íbúasamtök Vesturbæjar. 

Ljóst er að fólk er slegið vegna brunans en í dag var efnt til samstöðufundar á Aust­ur­velli, þar sem at­hygli var vak­in á bágri aðstöðu er­lends verka­fólks á Íslandi. Að því loknu leiddi lög­regla göngu að hús­inu og bauðst fólki að votta þeim látnu og aðstand­end­um þeirra virðingu sína með því að leggja blóm við húsið.

Frétt af mbl.is

Lögðu blóm við Bræðraborgarstíg

Tengdar fréttir

Eldsvoði við Bræðraborgarstíg

Fjórir alvarlegir brunar á árinu

• Slökkviliðsstjóri fái sérstaka eftirlitsheimild
• Staðfesta öryggisvistun í Bræðraborgarstígsmáli
• Krefjast 324 milljóna vegna brunans
• Eignir kyrrsettar vegna brunans á Bræðraborgarstíg

» Fleiri tengdar fréttir

• Blogga um frétt