Bendir á að fleiri hafi birt nafn Andreu
Setja bókamerki
„Allir helstu fjölmiðlar landsins völdu að fara sömu leið og Fotbolti.net og birtu nafn leikmannsins. RÚV og Stöð 2 unnu sínar fréttir útfrá sínum eigin upplýsingum og nafnbirtu leikmanninn óháð frétt Fotbolti.net. mbl, Vísir, Fréttablaðið, DV og Mannlíf birtu einnig nafnið og vísuðu í frétt Fotbolti.net. Allir þessir fjölmiðlar lúta sjálfstæðri ritstjórn sem taldi að nafnbirting væri rétt,“ skrifar Hafliði Breiðfjörð, framkvæmdastjóri Fótbolta.net, um úrskurð siðanefndar Blaðamannafélags Íslands.
Úrskurðurinn kveður á um að Hafliði og tveir aðrir hafi brotið siðareglur í tengslum við nafn- og myndbirtingu af Andreu Rán Snæfeld Hauksdóttur knattspyrnukonu eftir að hún hafði greinst með Covid-19.
Hafliði vildi ekki tjá sig frekar um málið þegar blaðamaður leitaði eftir viðbrögðum hans en gaf leyfi fyrir birtingu ummæla hans um að fleiri miðlar hefðu birt nafn Andreu.
Tekist á um úrskurðinn
Í úrskurðinum sem birtur var í dag kemur fram að siðanefnd telji meginatriði málsins vera að nafn Andreu hafi verið birt í heimildarleysi ásamt mynd af henni í tengslum við frétt af smiti leikmanns í úrvalsdeild kvenna í knattspyrnu.
Segir í úrskurðinum að siðanefndin telji ekki að sérstök nauðsyn hafi verið til að upplýsa um nafn Andreu eða að birta mynd af henni vegna þessa.
Fjölmiðlamenn og aðrir hafa tekist á um úrskurðinn inni á hópnum Fjölmiðlanördar. Þar hafa t.a.m. þau ummæli verið látin falla að úrskurðurinn sé til skammar fyrir Blaðamannafélag Íslands og að almenningsálitið hafi augljóslega haft mikil áhrif á hann. Einhverjir fagna úrskurðinum þó og segja að heilsufarsupplýsingar séu viðkvæmar upplýsingar og varlega þurfi að fara í nafnbirtingu í fréttaflutningi af slíku.
Skaut sex sinnum að feðginum á aðfangadagskvöld
Nemendur í HÍ reistu tjaldbúðir án leyfis
Sex hafa greinst með listeríu
Bergnuminn í Hvalfirði
Breytingar á skipulagi fréttadeildar RÚV
/frimg/1/29/32/1293273.jpg)
Ekki af baki dottinn og ætlar að opna B5 aftur
Krefjast stöðvunar framkvæmda
Þyngri refsing fyrir að nauðga stjúpdóttur æskuvinar