Þrengsli á kaffistofum spítalans auka smithættu

Kaffistofur sem starfsfólkið hefur not af eru margar þröngar
Kaffistofur sem starfsfólkið hefur not af eru margar þröngar mbl.is/Þorkell

Húsnæði Landspítalans er afar þröngt og uppfyllir ekki nútímakröfur um sýkingavarnir í sumum tilfellum. Anna María Þórðardóttir, hjúkrunarfræðingur sem er í smitrakningarteymi spítalans, sagði að þrengsli í starfsmannarýmum ykju hættu á dreifingu smits milli starfsmanna.

„Samkvæmt tilmælum sóttvarnalæknis á fólk að halda tveggja metra fjarlægð ef það er ekki með grímu. Það er ekki framkvæmanlegt á kaffistofum spítalans en þangað þarf fólk að fara í neysluhléum á vinnutíma. Við höfum haft miklar áhyggjur af þessu. Hins vegar getum við ekki fullyrt að smit hafi borist á milli starfsmanna á kaffistofum en möguleikinn er sannarlega fyrir hendi,“ sagði Anna María.

Hættan á að smitast af nýju kórónuveirunni eykst eftir því sem fleiri koma saman, að sögn Jóhanns Björns Skúlasonar, yfirmanns smitrakningarteymis sóttvarnalæknis og almannavarna. Ef margmenni er á staðnum og einhver í hópnum er smitandi aukast líkurnar á smiti ef loftræsting er léleg og mikil nálægð á milli fólks, að því er fram kemur í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »