Grímuskylda á efstu stigum grunnskóla
Setja bókamerki
Grímuskyldu verður komið á fyrir efstu stig grunnskóla þar sem ekki er hægt að tryggja tveggja metra reglu, t.d. í sameiginlegum rýmum. Grímuskyldan gildir frá sjötta bekk og upp úr.
Eldri börnum verður skipt upp í 25 barna hópa. Börnum á yngri stigum grunnskóla verður skipt niður í 50 barna hólf.
Lilja Alfreðsdóttir, mennta- og menningarmálaráðherra, ræddi þessi mál í Silfrinu í dag og í hádegisfréttum Bylgjunnar.
Ekki verður grímuskylda fyrir yngstu skólastigin.
„Númer eitt, tvö og þrjú, þá viljum við tryggja menntun og að börnin okkar geti farið í skóla. Við þurfum að ná utan um það sem er stærsta samfélagsverkefnið í faraldri nýju kórónuveirunnar,“ sagði Lilja.
Nýjar sóttvarnareglur tóku gildi í gær en samkvæmt þeim þurfa börn sem eru sex ára og eldri að fara eftir reglum um tveggja metra fjarlægð, fjöldatakmarkanir og fleira.
Reglugerð um tilhögun skólastarfs birtist síðar í dag.
Búið að ná tökum á eldinum
Segir nýja áætlun setja markið hátt
Ríkisendurskoðun sögð villa um fyrir Alþingi
Töluverður reykur og vatn inni í Kringlunni
Tveimur er haldið sofandi eftir rútuslysið
Ótímasett jarðgöng sögð eina lausnin
Skilaboðin þau að flóttamenn séu hættulegir
„Þakklæti var þeim ofarlega í huga“
