Af sömu rót og Landsréttarmálið

Mannréttindadómstóll Evrópu.
Mannréttindadómstóll Evrópu. Ljós­mynd/​ECHR

Mál Jens Gunnarssonar, fyrrverandi rannsóknarlögreglumanns, er eitt átján mála af sömu rót og Landsréttarmálið, sem tekin verða til efnismeðferðar hjá Mannréttindadómstól Evrópu verði sáttum ekki náð. Þetta kemur fram í Fréttablaðinu í dag.

Jens Gunn­ars­son var dæmdur í 15 mánaða fang­elsi í Landsrétti árið 2018 og Pét­ur Axel Pét­urs­son í 9 mánaða fang­elsi. Ákært var í mál­inu í nóv­em­ber 2016.

Jens var sakfelldur fyrir að hafa veitt nafngreindum brotamanni, Pétri Axel Péturssyni, upplýsingar sem þagnarskylda ríkti um og fyrir að hafa heimtað peninga af honum í SMS-skilaboðum. Mál Péturs er einnig til meðferðar hjá MDE, segir í frétt Fréttablaðsins.

Hæstiréttur synjaði Jens um áfrýjunarleyfi en hann óskaði eftir því meðal annars á þeim forsendum að brot hans væru ósönnuð og sakfelling hefði verið reist á sönnunargögnum sem aflað var með ólögmætum hætti. 

mbl.is