Atvinnuleysi hefur minnkað sex mánuði í röð og er orðið nokkuð ljóst að hámarki atvinnuleysis hefur verið náð. 

Þetta er meðal þess sem fram kemur í nýrri Hagsjá Landsbankans. Heildaratvinnuleysi í júní var 7,4% samanborið við 10,0% í maí og minnkaði þannig um 2,6 prósentustig milli mánaða. Í júní 2020 var almennt atvinnuleysi 7,5% og það hefur því minnkað um 0,1 prósentustig á einu ári. 

Frétt af mbl.is

Atvinnuleysi var 7,4 prósent í júní

Atvinnuleysið var hins vegar um 5% í upphafi ársins 2020 og því enn dálítið í land þar til atvinnuleysisstig verði svipað og þá. 

Í nýlegri skýrslu OECD um Íslands kemur það sjónarmið fram að atvinnuleysi hafi ekki bitnað sérstaklega illa á einstökum hópum. Þannig hafi atvinnuleysi karla og kvenna verið svipað í gegnum kreppuna og atvinnuleysi ungs fólks þróast með svipuðum hætti og atvinnuleysi almennt. Líklegt er að aukin skólaganga hafi dregið eitthvað úr atvinnuleysi yngri aldurshópa. 

Frétt af mbl.is

Viðsnúningur í efnahagslífinu blasir við

Hagfræðideild Landsbankans telur ástæðu til bjartsýni þar sem að þróunin verður að öllum líkindum áfram niður á við varðandi atvinnuleysi í þessari kreppu. Árangur í bólusetningum er farinn að koma í ljós og nú er mikið horft til baráttunnar við faraldurinn í helstu viðskiptalöndum okkar sem hefur óneitanlega töluverð áhrif á þróun atvinnuleysis hér á landi.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt