Myndskeið: „Mikið sjónarspil“
Setja bókamerki
Jón Grétar Sigurðsson flugmaður flaug yfir Vestari-Skaftárkatla um tvöleytið í dag og deildi eftirfarandi myndskeiði á facebooksíðu sinni. Undan katlinum rennur nú hlaup og segir Jón það vera svipað því sem hann hefur séð síðustu ár.
„Umfangið er ekki það mikið en auðvitað er þetta mikið sjónarspil af því að stærðin er svo svakaleg,“ segir Jón í samtali við mbl.is.
Á vef Veðurstofunnar segir að alls sé vitað um 58 hlaup í Skaftá en Skaftárkatlarnir eru tveir, eystri og vestari, og eru í vestanverðum Vatnajökli. Þeir myndast þar vegna jarðhita sem bræðir jökulbotninn og vatns sem safnast þar saman.
Þegar vatnsþrýstingur er orðinn það hár að farg jökulsins nær ekki að halda aftur af því hleypur það undan kötlunum. Hlaup úr Eystri-Skaftárkatli eru að jafnaði stærri en hlaupin úr Vestari katlinum. Að jafnaði hleypur úr hvorum katli fyrir sig á tveggja ára fresti.
„Það þarf að vinna mikinn fjölda upp“
Shakespeare fannst í skókassa
Væri að ljúga ef ég segðist ekki stressaður
„Höfum ekki náð að skríða upp úr þeirri gryfju“
Gígbarmurinn hækkað frá því í gær
Skemmtiferðaskip hætt komið nærri Viðey
„Hvílir mikil leynd yfir þessu öllu“