„Óróinn hefur aftur aukist við Geldingadali frá því klukkan fimm í morgun og fer áfram hækkandi,“ segir Böðvar Sveins­son, náttúruvásérfræðingur á Veðurstofu Íslands.

Frétt af mbl.is

Umræða um goslok ótímabær

„Við erum þó ekki farin að sjá neitt hraun ennþá. Það þarf alltaf að bíða aðeins eftir því frá því að óróinn byrjar þangað til nógu mikið er komið til þess að við förum að sjá það,“ segir Böðvar og bætir þó við að enn sé óvíst hvort hraun muni yfirhöfuð koma upp úr gígnum.

Frá gígnum í morgun. Örlítið hraun sést í honum nú. Ljósmynd/Fannar Freyr Gunnarsson

Á myndum sem mbl.is fékk sendar sést örlítið hraun í gígnum, þó ekki það mikið að slíkt sé sýnilegt á vefmyndavélum. 

Frétt af mbl.is

Lengsta goshlé frá upphafi

Rúm vika er síðan órói var síðast í gosinu og er það lengsta goshlé frá því að eldgosið hófst í mars. 

Segir þetta goshlé okkur eitthvað um gang gossins?

„Nei, ekki eins og staðan er núna,“ segir Böðvar og bætir við að spáð verði frekar í hvað veldur þessu langa goshléi í næstu viku.

Tengdar fréttir

Eldvirkni á Reykjanesskaga

Gígbarmurinn hækkað frá því í gær

• Helmingur umsókna samþykktur fyrir vikulok
• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu

» Fleiri tengdar fréttir

• Blogga um frétt