Maður í mjög annarlegu ástandi var handtekinn í sóttvarnahúsi eftir líkamsárás, eignarspjöll og brot á sóttvarnalögum þar sem hann er með staðfest Covid-smit.
Maðurinn var vistaður í fangaklefa, að því er kemur fram í dagbók lögreglunnar á höfuðborgarsvæðinu.
Maður var handtekinn í hverfi 201 í Kópavogi vegna ráns og nytjastuldar á ökutæki Hann var vistaður í fangaklefa.
Maður var handtekinn og vistaður í fangaklefa eftir að hafa verið gripinn við innbrot í skóla í miðbæ Reykjavíkur
Þá voru nokkrir ökumenn stöðvaðir fyrir ýmis umferðarlagabrot meðal annars vegna ölvunar og eða fíkniefnaaksturs.