Þrír Íslendingar staddir í Eþíópíu
Setja bókamerki
Vitað er til þess að þrír Íslendingar séu staddir í Eþíópíu, þar sem hörð átök milli stjórnarhers landsins og uppreisnarsveita hafa blossað upp.
Sveinn H. Guðmarsson, upplýsingafulltrúi utanríkisráðuneytisins, segir að ekkert hafi enn heyrst frá Íslendingunum. Hann segir að þessir þrír einstaklingar starfi ekki á vegum íslenskra stjórnvalda og því sé lítið vitað um veru þeirra í Eþíópíu eða hvar þeir eru nákvæmlega niður komnir.
Sveinn segir jafnframt að þeim tilmælum sé beint til Íslendinga á svæðinu, sem kunna að vera í vanda staddir, að hafa samband við borgaraþjónustu utanríkisráðuneytisins í síma +354 545-0112.
Uppreisnarher þjóðarbrots frá Tigray-héraði í norðurhluta Eþíópíu er talinn líklegur til þess að ná mögulega höfuðborg landsins, Addis Ababa, á sitt vald á komandi vikum og mánuðum. Höfuðborgin er í landinu miðju.
Bergnuminn í Hvalfirði
Strand skemmtiferðaskips kallar á erlenda aðstoð
Banna mengandi búnað sem leyfður er á Íslandi
Skar höfuðleðrið af íslenskri konu
Nemendur í HÍ reistu tjaldbúðir án leyfis
Sex hafa greinst með listeríu
„Höfum ekki náð að skríða upp úr þeirri gryfju“