Flugvélin sem saknað hefur verið frá því um hádegisbil á fimmtudag er fundin. Þetta kemur fram á Facebooksíðu Landhelgisgæslunnar á öðrum tímanum í nótt. Vélin fannst með kafbát í sunnanverðu Þingvallavatni á ellefta tímanum í kvöld.

Kafbátur frá fyrirtækinu Teledyne Gavia í Ölfusvatnsvík, fann flugvélina. Rúmlega þúsund viðbragðsaðilar hafa tekið þátt í leitinni, þar á meðal á níunda hundrað björgunarsveitarmenn frá Landsbjörg, þyrlusveit Landhelgisgæslunnar, lögregla, séraðgerðasveit Landhelgisgæslunnar, almannavarnadeild ríkislögreglustjóra, sérsveit ríkislögreglustjóra, starfsmenn Isavia, einkaaðilar auk fjölmargra annarra, að því er segir á vef Gæslunnar.

„Landhelgisgæslan vill þakka öllum þeim sem komið hafa að þessari umfangsmiklu leit fyrir óeigingjarnt og fórnfúst starf við krefjandi aðstæður. Rannsókn málsins og næstu skref eru í höndum lögreglunnar á Suðurlandi. Viðbragðsaðilar sem unnið hafa unnið að leitinni eru komnir í hvíld og í hádeginu er fyrirhugaður stöðufundur þar sem farið verður yfir næstu skref. Lögreglan á Suðurlandi getur veitt frekari upplýsingar að þeim fundi loknum," segir ennfremur á vef Landhelgisgæslunnar.

Tengdar fréttir

Flugslys við Þingvallavatn

Á rétt á upplýsingum um flugmann vélar sem fórst

• Farþegi hringdi á Neyðarlínuna er slysið varð
• Með umfangsmestu aðgerðum seinni ára
• Upptökur úr öryggismyndavélum gefa upplýsingar
• Rafbúnaður um borð í vélinni

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Daprir dagar. Hugurinn hjá aðstandendum og leitarfólki.