Ísland haft milligöngu um 13 flugferðir með hergögn
Setja bókamerki
Íslensk stjórnvöld hafa á undanförnum vikum haft milligöngu um flutning á hergögnum frá ýmsum Evrópuríkjum til Úkraínu. Þrettán fraktflugferðir hafa verið farnar í þessum tilgangi.
Þetta kemur fram í skriflegu svari utanríkisráðuneytisins við fyrirspurn mbl.is. Segir í svarinu að þetta hafi verið gert til að svara ákalli úkraínskra stjórnvalda um slíka aðstoð.
Til þessara verkefna hafa íslensk stjórnvöld leigt fraktflugfélagar frá flugfélögunum Air Atlanta og Bluebird Nordic og hafa, eins og áður segir, alls þrettán slíkar fraktflugferðir verið farnar í samstarfi við Albaníu, Slóveníu, Ítalíu, Króatíu og Portúgal til áfangastaða nærri landamærum Úkraínu.
Flutningarnir í samræmi við íslensk lög
Sérstaklega er tekið fram í svarinu að flutningarnir séu í fyllsta samræmi við íslensk lög og reglur.
Þórdís Kolbrún R. Gylfadóttir sagði í ræðu sinni á Alþingi þann 2. mars síðastliðinn að Ísland gæti eðli máls samkvæmt ekki veitt Úkraínu hergögn í té þar sem við værum herlaust ríki.
„En við höfum svarað kalli úkraínsku þjóðarinnar um liðsinni við birgðaflutninga með því að leggja til afnot af fraktflugvél,“ bætti hún við.
Telur forsendur fyrir vaxtalækkun
Gígbarmurinn hækkað frá því í gær
Skar höfuðleðrið af íslenskri konu
„Höfum ekki náð að skríða upp úr þeirri gryfju“
Kostnaður meiri en milljón á fermetra
Krefjast stöðvunar framkvæmda
„Það þarf að vinna mikinn fjölda upp“