Vildu komast til Íslands eftir árásina
Setja bókamerki
Haft hefur verið samband við borgaraþjónustu utanríkisráðuneytisins út af fimm Íslendingum í Kaupmannahöfn í tengslum við skotárásina þar í borg í gær.
Fljótlega eftir árásina sendi sendiráð Íslands í Kaupmannahöfn út tilkynningu á samfélagsmiðla þar sem Íslendingar á vettvangi voru hvattir til að láta sína nánustu vita af sér og ef ástæða þótti, að hafa samband við borgaraþjónustuna.
Að sögn Sveins H. Guðmarssonar, upplýsingafulltrúa utanríkisráðuneytisins, óskuðu einhverjir eftir aðstoð við að komast heim til Íslands á meðan aðrir óskuðu eftir því að fá áfallahjálp á íslensku. Allt þetta fólk var statt í verslunarmiðstöðinni þegar árásin var gerð.
Sendiráðsprestur sem starfar í sendiráði Íslands í Kaupmannahöfn annast áfallahjálpina.
Spurður út í framhaldið segir Sveinn: „Við höldum áfram að fylgjast grannt með og erum til aðstoðar ef þess er þörf og fólk getur haft samband við okkur.“
Telur forsendur fyrir vaxtalækkun
„Umsátursástand“
„Höfum ekki náð að skríða upp úr þeirri gryfju“
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
Handteknir eftir myndatöku í Vesturbæjarlaug
Hvorki sést áður hér á landi né annars staðar