Stofna ætti her á Íslandi
Setja bókamerki
Ræða ætti af alvöru að stofna íslenskan her til að tryggja öryggi landsins og varnir til framtíðar. Brýnt sé að hér sé sveit vel þjálfaðra manna sem hafa bæði þekkingu og búnað til að grípa inn í, verði fyrirvaralaust ráðist á Ísland.
Hlutverk þeirra yrði einkum að tryggja öryggi hernaðarlega mikilvægra staða áður en liðsauki erlendis frá kemur til landsins.
Þetta segir Arnór Sigurjónsson, fyrrverandi skrifstofustjóri varnarmálaskrifstofu, við Morgunblaðið. Ekki sé lengur hægt að útvista vörnum Íslands til annarra þjóða. Sú stefna stjórnvalda sé beinlínis hættuleg.
Þá segir Arnór íslenska stjórnmálamenn áhugalausa um varnarmál og tala yfirleitt af vanþekkingu um málaflokkinn.
Hann hefur nú nýlokið við ritun bókar hvar fjallað er um nauðsyn þess að koma á her á Íslandi. Ber hún heitið Íslenskur her, breyttur heimur - nýr veruleiki og verður bókin kynnt kl. 14 í dag, laugardaginn 4. mars, í bókabúð Eymundsson við Skólavörðustíg í Reykjavík.
Meira um málið í Morgunblaðinu í dag.
Sex hafa greinst með listeríu
Kostnaður meiri en milljón á fermetra
„Höfum ekki náð að skríða upp úr þeirri gryfju“
Handteknir eftir myndatöku í Vesturbæjarlaug
Væri að ljúga ef ég segðist ekki stressaður
Banna mengandi búnað sem leyfður er á Íslandi
Skemmtiferðaskip hætt komið nærri Viðey
Tveir í bílnum sem lenti utan vegar