Tillögu borgarfulltrúa Sjálfstæðisflokksins um að farið verði í ítarlegri rannsóknir á áhrifum nýrrar byggðar í Skerjafirði á flug- og rekstraröryggi Reykjavíkurflugvallar, var vísað frá á fundi borgarstjórnar Reykjavíkur í dag.

Í tillögunni var vísað í niðurstöður nýútkominnar skýrslu þar sem eru ábendingar um margvíslegar ítarlegar rannsóknir sem fram þyrftu að fara til að fá gleggri mynd af áhrifum viðbótarbyggðar á flug- og rekstraröryggi vallarins.

Einar Þorsteinsson, borgarfulltrúi Framsóknarflokksins, lagði frávísunartillöguna fram. Sagði hann að Isavia og Veðurstofunni hefði verið falið að vinna úr umræddum gögnum, og því þætti honum ótækt að Reykjavíkurborg tæki það verkefni af þeim. 

Í atkvæðagreiðslu greiddu fulltrúar meirihlutaflokkanna og fulltrúi VG atkvæði með frávísunartillögunni, fulltrúar Sjálfstæðisflokks og Flokks fólksins greiddu atkvæði gegn henni en fulltrúar Sósíalistaflokksins sátu hjá. 

Tengdar fréttir

Reykjavíkurflugvöllur

Borgin bíður eftir skýrslunni

• Vilja falla frá áformum um flugvöll í Hvassahrauni
• Áforma átak í íbúðabyggingum í Reykjavík
• Flugvöllur í Vatnsmýri næstu áratugina
• Hvassahraun er enn til skoðunar

» Fleiri tengdar fréttir

Uppbyggingaráform í Skerjafirði

Gengið á ráðherra um fyrirhugaða íbúðabyggð

• Reykjavíkurflugvöllur ekki að fara neitt
• Tillaga um umhverfismat í Skerjafirði felld
• Nagandi óvissa í Einarsnesi
• „Það er gjörsamlega verið að gaslýsa íbúa“

» Fleiri tengdar fréttir

• Blogga um frétt