Nú er nauðsynlegt, sem aldrei fyrr, að efla allar rannsóknir á sviði sjávarútvegsmála. Það er ein af grunnforsendunum í því endurreisnarstarfi sem framundan er, segir í drögum að ályktun landsfundar Sjálfstæðisflokksins um sjávarútvegsmál.

Flokkurinn ályktar að auka þurfi rannsóknir á sviði fiski- og hafrannsókna en líka þurfi að hlúa að og stórauka rannsóknir innan sjávarútvegsins s.s. á sviði stjórn­unar, virðisaukamyndunar og markaðssetningar.

Greið samskipti kaupenda og seljenda sjávarafla séu mikilvæg til þess að tryggja að aflanum sé ráðstafað á sem hagkvæmastan hátt. Fagnað er þeirri lagabreytingu frá 1. febrúar sem bætir aðgengi fiskkaupenda að afla sem fyrirhugað er að flytja á erlendan markað.

„Þegar þjóðin vinnur sig út úr núverandi þrengingum verður nauðsynlegt að tryggja stöðugra efna­hags­um­hverfi fyrir sjávarútveginn sem og aðrar atvinnugreinar. Áfram þarf að tryggja opinn aðgang að alþjóðlegum mörkuðum. Við gerð samninga við önnur ríki er nauðsynlegt að tryggja fullveldisrétt íslensku þjóðarinnar yfir náttúruauðlindum lands, lofts og sjávar,“ segir í drögunum.

Aðgerðir sjálfstæðismanna í sjávarútvegsmálum:

• Fagna ber góðum árangri sem náðst hefur í öryggismálum sjófarenda og hvatt er til þess áfram verði haldið á þessari braut.
• Fagna ber vinnu að nýju umhverfismerki sem kynnt var síðastliðið haust.
• Fagna ber aukinni fjölbreytni í rannsóknum á vistkerfi sjávar og nýjum rannsóknarsetrum.
• Árétta skal að veiðar sjávarspendýra falli undir sjálfbæra nýtingu auðlinda hafsins.
• Nauðsynlegt er að efla menntun í fjölbreytilegum greinum sjávarútvegsins.
• Greina þarf tækifæri atvinnugreinarinnar til frekari sóknar, s.s. í nýtingu fleiri tegunda, frekari vinnslu til manneldis og aukinni markaðssókn.

Tengdar fréttir

Alþingiskosningar 2009

Lítilsháttar lækkun á Wall Street

• Ekki hyggindi að slátra mjólkurkúnni
• Margt ágætt en ósammála um tvennt
• Trúi ekki að Samfylkingin láti stranda á ESB
• Allt upp á borð fyrir kosningar?

» Fleiri tengdar fréttir

• Blogga um frétt