Ólafur mælist með mest fylgi
Setja bókamerki
Mikill viðsnúningur hefur orðið í fylgi við forsetaframbjóðendurna Ólaf Ragnar Grímsson og Þóru Arnórsdóttur ef marka niðurstöður nýrrar skoðanakönnunar Capacent Gallup sem greint var frá í fréttum Ríkisútvarpsins.
Rúmlega 45% segjast ætla að kjósa Ólaf Ragnar nú en í síðustu könnun Capacent mældist hann með 37% fylgi. 37% styðja Þóru Arnórsdóttur en fylgi hennar mældist 46% í síðustu könnun. Ólafur mælist því með 9% forskot nú.
Ari Trausti Guðmundsson mælist með 9% fylgi, Herdís Þorgeirsdóttir rúm 4%, Andrea J. Ólafsdóttir tæplega 3%, Ástþór Magnússon tæp 2% og hannes Bjarnason með 0,3%. Skoðanakönnunin var gerð dagana 18.-25. maí síðastliðinn og var úrtakið 1.350 manns.
Tvær aðrar skoðanakannanir hafa verið birtar í dag. Í morgun birtist könnun Fréttablaðisins og Stöðvar 2 en þar mældist Ólafur Ragnar með 53,9% en Þóra 35,4%. Í könnun MMR sem birt var eftir hádegi voru Ólafur og Þóra bæði með 41,2%.
Kostnaður meiri en milljón á fermetra
Banna mengandi búnað sem leyfður er á Íslandi
Telur forsendur fyrir vaxtalækkun
Kaldasti veturinn kom að óvörum
Shakespeare fannst í skókassa
Skar höfuðleðrið af íslenskri konu
Frambjóðendur skila inn listum í Hörpu
Strand skemmtiferðaskips kallar á erlenda aðstoð